Treklatring

Som eit ledd i å lære seg klatresikringa sine kunstar hadde studentane på friluftsliv årsstudium opplæring i treklatring nylig. Studentane fekk lære både knutar og sikringsmetodar som høyrer klatring til. Det er ein enkel, sikker og artig måte å lære seg dette handverket på, og kven synest jo ikkje at det er kjekt å klatre i tre? Det første emnet på årsstudium i friluftsliv og bachelor i friluftsliv ved Høgskulen i Volda heiter Frå fjøre til fjell. Emnet vektlegg basisferdigheiter, der blant anna ulike tauaktivitetar, sikring, naturkjennskap og utstyrslære inngår som ein viktig del av opplæringa.

treklatring2_friluftsliv, Høgskulen i Volda_foto av stig løland
Akrobatikk under klatringa. Foto: Stina Johansson.

Under øvinga fekk studentane innblikk i korleis ein kan bruke denne alternative forma for opplæring med ulike grupper både med og uten tau. Treklatring er tredimensjonal, og gir dermed andre bevegelsesutfordringar enn vanleg klatring. Denne typen klatring er ofte krevande både styrke- og bevegelsesmessig. Studentane var ivrige, og dei hadde ein morsom og lærerik dag i haustsola med utsikt over fjell og hav frå tretoppane.

treklatring_friluftsliv, Høgskulen i Volda_foto av stig løland
Student i toppen av treet. Foto: Stina Johansson.

Musikkdidaktisk praksis

Førre veke var førsteårsstudentane på årsstudium og bachelor i musikk ute i praksis. I samband med emnet MUS102 “Musikkundervisning for barn og unge 1″ skal alle gjennomføre ei veke med musikkdidaktisk praksis i grunnskulen. Både bacheloren og årsstudiet legg vekt på at studentane skal lære utøvande og god pedagogisk verksemd, slik at dei seinare kan jobbe i til dømes grunnskulen/SFO, kulturskulen og andre samfunnsinstitusjonar, det frie kulturlivet eller i privat næring.

musikkaktivitetar for barn og unge_asylmottaket i Volda, Volda Statlige Mottak, musikk, Høgskulen i Volda
Både studentane og barna viser musikkglede. Foto: Elizabeth Oltedal.

Ei studentgruppe hadde laga eit musikkopplegg for barn som dei gjennomførte på asylmottaket i Volda, også kalla Volda Statlige Mottak. Høgdepunktet i opplegget var ein minikonsert for føresette og tilsette fredag 24.oktober. Det heile vart avslutta med ei hyggeleg kaffistund der mødrene hadde laga til med både kaker og vaflar. Stemninga var på topp, og dei flinke musikkstudentane fekk mange hjertevarme klemmar.

Alle partar var fornøgde med opplegget. Kanskje dette bør bli ein tradisjon?

Eigenferd i Femundsmarka

I emnet IFL105 “Frå fjøre til fjell”Høgskulen i Volda inngår ei veke med eigenferd i grupper, altså tur utan lærar, som eit arbeidskrav. Emnet er ein obligatorisk del av friluftsliv årsstudium og første året på bachelor i friluftsliv. Seks av friluftslivstudentar valgte i haust å ta turen til Femundsmarka nasjonalpark. Her skildrar studenten Tarjei Engeset Ofstad nokre av opplevingane på turen:

Vi startar eigenferda med ein Norge på tvers-køyretur, frå Volda i vest til Femundsmarka i aust som mål. Det er litt campingturistar over gruppa den kvelden, med bilen rett ved første leirplass; det regnar, så det er greitt å kunne lette ein del utstyr stå tørt inne i bilen. Vi setter opp dei to telta på snøkvite, silkemjuke lappar av kvitkrull på skogbotnen sin mosaikk. Kvitkrullen har antibiotisk verknad, påpeiker sjukesøster Line. Naturforvaltar Jon er rask med å finne eit gildt stykke tyrirot slik at vi får tent lyssterkt bål i regnet.

Det finnes ikke dårlig vær, når man smiler som det her, friluftsliv, Høgskulen i Volda, Foto av sondre stenesbøl
“Det finnes ikke dårlig vær, når man smiler som det her”. På topp: Sondre Stenesbøl. Øvst frå venste: Line Skrepstad og Stina Johansson. Nedst frå venstre: Jon Meiholt, Tarjei E. Ofstad og Andreas Tegnér.

Det blir morgon, stadig regnar det og gruppa føler trang til å komme i gang. Vi går på ein sti brei nok til å frakte ut elg med firehjuling, den blir døypt «motorvegen». Etter ei stund utbrytar Line optimistisk at vi nå har nådd toppen av alle (dei få) høgdemetra i dag. Det blir fleire høgdemeter, om 100 meter stigning kan kallast høgde for nybakte sunnmøringar. Det er nemlig såpass vått og kaldt at vi avgjer å legge turen oppom Muggsjølibua, som er merka som sjølvbetjent turisthytte på kartet. I ettertid skal vi stusse litt over at valet om søke innandørs vart tatt så raskt og diskusjonsfritt.

Etter at vi passerer kulturminnet tømmerrenne, ser nokre elgjegarar og går over ei flott trebru vil vi ha lunsj. Vi har problem med å få fart på bålet, ein ferdigheit som blir styrka gjennom eigenferda. Lunsjen ender opp med å ta to timer – det blir mykje nysteikt scones. Tarjei og Jon prøver fiskelykka, som til no oppfyller orda frå dei som hadde fiska på eigenferd skuleåret før: «Det finnes ikkje fisk i Femundsmarka». Kartet blir studert og ruta vidare bestemt. Heldigvis reddar Stina sine kartkunnskapar oss frå ein bomtur gjennom ei regnstor elv.

Som friluftssliv-studentane året før også opplevde, er fisket i Femundsmarka i oktober labert. Foto Tarjei Engeset Ofstad
Lite fiskelykke i Femundsmarka i oktober. Foto: Tarjei Engeset Ofstad.

Etterkvart kjem vi opp i ope fjellende, det mørknar, hovudlyktene blir tent, alle går inn i sin eiga overlevingsboble – mest opptatt av å sette sine eigne føter riktig i den steinete blokkmarka. Vinden piskar i dei mørklagte fjesa. Line roper gjentatte gonger bekymra på Jon, som ho trur er bak ho i rekka. Det viser seg å vere Tarjei, som ikkje høyrer kva det blir ropt om, eller til kven. Line må le: ho oppdagar at Jon går framom henne. Andreas traskar godlynt framover. Andre tenker berre på å nå hytta fort som fy. Endelig finn vi fram til Muggsjølibua. På kvelden kosar vi oss, nesten bortskjemt tørre og varme, med indisk gryte á la Line.

Andreas har alltid eit smil på lur, friluftsliv, Høgskulen i Volda, Foto Sondre Stenesbøl
Andreas har alltid eit smil på lur. Foto: Sondre Stenesbøl.

Dagen etterpå fortsetter vi med mykje blaut snø og vind i lufta. «Nokre gonger kunne det vore greitt å ha rask lunsj» skal det bli sagt i etterkant. Det er nemlig surt å sitte der å steike scones, men det hjelper på at vi har funne litt ly mot den bitande, sluddete vinden. Vi kjem oss i gong igjen, på denne etappa ser vi mykje av den gule, giftige og freda ulvelaven. Lavskrika er ein kamerat vi ser ofte der vi går, og vi ser ei som nyt eit lemen utan å la seg affisere av oss. Etter ei stund møter vi ei elv som vi må ta av oss skoa for å krysse. Valet står mellom litt intens kulde eller blaute sko, det første blir naturligvis valt. Andreas tar det som vanlig med godt mot og når det er overstått seier han « jeg synes det var gøy jeg!».

Vi er på rundt 850 m.o.h. og blir etter litt diskusjon einige om å starte på den kanskje mest interessante etappa: orientering i terrenget. Dette skal i etterkant bli sett på som noko av det mest meiningsfulle vi gjorde på ferda. Tarjei får ein vrangførestelling oppklart: ein kan ikkje berre gå på kompasskurs, ein må ta ut punkter i terrenget. Sondre finner det meir enn på sin plass å sjangle rundt som Jack Sparrow med kompasset sitt som viser dit han vil, som parodi på Tarjei. Nedover i skogen går det, med litt lunare forhold og gode føresetnadar for bålfyring. Da oppstår diskusjonen: er det eigentleg lov å brekke tørrkvist her i nasjonalparken? Nokon seier klart nei, andre ja, nokon tja. Stina løyser heldigvis situasjonen ved å hogge ut litt tyrived frå gamle stubbar.

Å orienterie i dårlig vær er både viktig og krevjande, friluftsliv, Høgskulen i Volda, fotograf Sondre
Å orientere i dårleg ver er både viktig og krevjande. Foto: Sondre Stenesbøl.

Den blautaste, kaldaste natta er over. Line ser dyster ut. Det har drypt vann inn i teltet hennar, ho har hatt det tøft. Ho foreslår å korte ned turen med ein dag. Line skal i ettertid omtale situasjonen, litt fleipete, som da ho skjønte ho var ei Oslo-jente. Sondre orienterer grundig på kartet, og finn ein rekke mindre buar som kanskje tilbyr vedomn og tak over hovudet. Vi bestemmer oss for å rette kompasset mot Gubbtjønnbua. Vi taper stadig høgdemeter og skogen blir tilsvarande rikare. Ved ein svær kampestein buldrar vi litt og tek bilete.

Ingen orienterer heilt korrekt til bua, men alle kjem fram til slutt og Andreas finner «ungdomsskjelda» med godt drikkevatn. Bua er tvers gjennom koseleg, og i hytteboka står det om «Børre», storauren som visstnok lever i tjønna. Men heller ikkje her blir det fisk å få. Derimot opnar stekepanne-pizzeria á la Sondre. Det blir fest med alt frå tyttebær og sopp til creme fraiche og chili som pizzafyll. Utover kvelden vekkast sterke konkurranseinstinkt når kortstokken tas fram. Intens stillhet og dirrande, klamme hender – slik er stemninga i hytta.

Morgonen etter får vi første dagen med finvêr. Fargane på himmelen er heilt nydeleg i morgontimane. Turen går vidare nedover mot sjølve Femunden, den tredje største innsjøen i Noreg. Å orientere i terreng opplevast heilt annleis enn sti. Ein er fri, har plass, samstundes som ein må forhalde seg til gruppa. Dei siste metra av nasjonalparken, før skiltet som viser at vi er ute, kappløper Jon, Tarjei og Sondre. Litt overraskande må sprekingen Jon nøye seg med tredjeplass. Lunsjen tek vi ved ei lang flott sandstrand ved Femunden.

kontrastar på tur, friluftsliv, høgskulen i volda_foto av stina johansson
Det regna mesteparten av turen, men sola kom fram til slutt på stranda ved Femunden. Foto: Stina Johansson.

Siste etappe tilbake til Langen Gjestegård og bilen går fort, og gruppa tek siste natta i enden av Langensjøen. Frå furutoppane er lavskrika vitne til at gruppa prøver Tarjei sin tunge, klumpete sekk, der resultatet er vakling og latter. Minusgradane kryp på. Sondre blir entusiastisk av vinteren si helsing og deler masse tips om vinter-friluftsliv. Blant anna å gjere frå seg for å sleppe å halde det gamle fordøya varmt, for så å lettare halde varmen. Gruppa, som nærmast har blitt ein familie beståande av berre sysken, samlar seg tett rundt det varme bålet. Den siste kveldspraten blir djup – trur nokon på livet etter døden? Alle har forskjellige meiningsnyansar. Etterkvart glir samtalen over på fødsel. Ringen er slutta.

djupe samtalar kring leirbålet, friluftsliv, Høgskulen i Volda_ foto av Sondre Stenesbøl
Djupe samtalar kring leirbålet. Foto: Sondre Stenesbøl.

Tekst av Tarjei Engeset Ofstad.
(Innlegget er noko forkorta (red.))

Les også om studentar sine opplevingar av eigenferd i fjor:
- Jentetur til Finse

Teaterproduksjon: Kongen dør!

Ingenting skaper mer høststemning på Drama og teater enn når Sigrun Meisingset setter opp et absurd drama med bachelorstudentene, og i år blir det altså Kongen dør av Eugène Ionesco.

Sigrun har en spesiell forkjærlighet til det absurde drama, og den fysiske spillestilen er fremtredende i hennes regi. Blant hennes tidligere oppsetninger finner vi bl.a. Den skallete sangerinnen og Privattimen som også er skrevet av Ionesco.

Den private timen, drama og teater, Høgskulen i Volda, 2011_foto av espen breivik
Kristina Myrvold og Per Øyving Skjærvold Johansen fra Den private timen fra 2011. Foto: Espen Breivik.

Ionesco sitt «antiteater» utfordret de vanlige teaterkonvensjoner, og hans drama fokuserer særlig på erfaringen av at språket ikke er skikket til å være et bindeledd mellom menneskene. Mennesket befinner seg i en verden som det ikke forstår og der verdiene går i oppløsning. Mange av Ionescos skuespill er tolket som angrep på totalitære elementer i samfunnet, men de fleste har også sterke humoristiske innslag.

Forestillingen kan oppleves i Teatersalen på Kaarstadhuset fra den 16.-18.november. Mer om tidspunkt og billettpriser kommer senere, men det er bare å holde av datoene allerede nå.

Andre aktuelle bloggposter om drama og teater:
Hendingar på Drama og Teater, hausten 2014
Studietur til Oslo

Vi gratulerer Magnar Åm med Edvardprisen!

Vår kjære komponist Magnar Åm er professor ved Avdeling for kulturfag. Han er vinnar av Edvardprisen 2014 i kategorien Samtid. Under opningsfesten for Fosnavåg konserthus på fredag får han overrakt prisen.  Vi gratulerer! Les meir på Høgskulen i Volda sine nettsider og i avisa Sunnmørsposten.

Magnar_Aam_Høgskulen i Volda
Magnar_Aam_Høgskulen i Volda

Konsert med Høgskulekoret og Symfoniorkesteret

Ei reise frå natt til dag  
Volda kyrkje
Torsdag 23. oktober kl. 1930.
Pris 150/100

Symfoniorkesteret og Høgskulekoret ved Høgskulen  Volda
Symfoniorkesteret og Høgskulekoret ved Høgskulen Volda

Visste du at Høgskulen i Volda har eit eige Høgskulekor og ikkje minst eit eige Symfoniorkester? No kan du få høyre dei begge i ein felles konsert!

Orkesteret vil framføre Symfoni i h-moll, ”Den ufullendte” av Franz Schubert. Verket vart skrive i 1822-23 og kom ikkje inn på standardrepertoaret før mykje seinare på attenhundretalet.  Schubert sitt verk har to lange, vakre og formfullende langsame satsar, med meisterleg melodikk og store kontrastar innanfor kvar sats. I dag vert denne symfonien regna som den fyrste fullblods romantiske symfonien – skrive to år før Beethovens niande.

Koret vil framføre kormusikk frå dei siste tjue åra, utforma som ein form for reise frå natt til dag. Programmet vekslar mellom musikk i klassisk tradisjon av komponistane Eric Whitacre og John Rutter, og folkemusikk for kor frå Brasil, Venezuela og Sør- Afrika, og mellom rolege og livlege stemningar.

Konserten er åpningskonsert hjå Kyrkjemusikkdagane i Volda, for meir informasjon om desse, sjå Kyrkjemusikkdagane på Facebook.

Her kan du lese om ein tidlegare konsert kor og orkester hadde saman.

MID sine LIVE-sendingar

Høgskulen i Volda sitt  bachelorstudium i media, IKT og design jobbar med å utvikle og skape innhald på plattformar for notida og framtida.

Konsentrerte MID-studentar. Foto: Oddbjørn Kvalvik.
Konsentrerte MID-studentar. Foto: Oddbjørn Kvalvik.

Det første året får studentane ei innføring i film og videoproduksjon, medieteori, kampanje, web, foto og design. Sidan det første året på bachelorgrada er identisk med mediekunnskap årsstudium kan dei som tek årsstudiumet søke på MID-bacheloren og få innpassa førsteåret. Etter det første studieåret skal studentane velje studieretning. Dei kan velje å fordjupe seg i enten medieproduksjon, mediedesign eller medieutvikling.

I studieretninga medieproduksjon ligg hovudfokuset på visuelle media som film, foto og fleirkameraproduksjon. MID117 Fleirkamera og eventproduksjon og NFT102 Outdoor media production – mediating and communicating destinations and experiences er obligatoriske emne i haustsemesteret. I samband med desse emna har MID-studentane sendt fleirkamerasendingar live.

Sjekk ut arbeidet til 2.årsstudentane som har valgt medieproduksjon:
- Over voldsfjorden – MF Folkestad, minutt for minutt
Snauderåsa Downhill 2014 – Utforsykkelkonkurranse
mid - fleirkameraprod3, Høgskulen i Volda

Les meir om studiekvardagen og prosjekta til media, IKT og design på bloggen deira:
MIDLABS.no

Kunst og handverk på Instagram

Seksjon for formgiving, kunst og handverk er aktive på sosiale media. Dei har blant anna ein konto på Instagram, der dei til dømes viser fram nokon av prosjekta studentane jobbar med:

instagram_kunstoghandverkvolda_høgskulenivolda

Følg gjerne kunstoghandverkvolda for å få bildeoppdateringar av det som skjer på seksjon for formgjeving, kunst og handverk her på Høgskulen i Volda.

Studentane er flinke til å legge ut glimt frå studiekvardagen sin sjølv også. Her er til dømes bilete førsteårsstudent Elisabeth Halkjelsvik har delt på Instagram frå studiekvardagen på kunst og handverk:

studiekvardag_redesign_foto_elisabethhalkjelsvik, Høgskulen i Volda
Redesign. Foto: Elisabeth Halkjelsvik.
studiekvardag_tovatøfle_foto_elisabethhalkjelsvik, Høgskulen i Volda
Toving av tøflar. Foto: Elisabeth Halkjelsvik.
studiekvardag_modellering_leire_foto_elisabethhalkjelsvik, Høgskulen i Volda
Blide studentar held på med leire. Foto: Elisabeth Halkjelsvik.
studiekvardag_leire_foto_elisabethhalkjelsvik, Høgskulen i Volda
Arbeid med leire. Foto: Elisabeth Halkjelsvik.

Til alle studentar på kunst og handverk:
Bruk gjerne emneknagg/hashtag #kunstoghandverkvolda på bilete du ønsker å dele frå studiekvardagen din.

Studietur til Oslo

framføring workshop 15.10.14_foto av karoline stokke (24), Høgskulen i Volda
Studentane viser fram noko av det dei lærte i Oslo. Foto: Karoline Stokke.

Førre veke, 6.-10.oktober, var 30 studentar og to lærarar frå seksjon for drama og teater på studietur i Oslo. Studieturen vart arrangert i samband med emna «DR111 Inn i dramafaget» og «DR112 Inn i teateret I: Skodespelarteknikk og barneteater». Desse emna er obligatoriske i det første semesteret på både årsstudium og bachelor i drama og teater. Emna DR111 og DR112 kan også veljast som valfrie emne i delar av andre grader, som til dømes bachelor i musikk eller bachelor i kunst og handverk.

På studieturen fekk studentane blant anna sjå framsyninga «Et drømspill» av August StrindbergNationalteatret, regissert av den kjende Calixto Bieito. Dei fekk også vere med på ei forelesning om barneteater og figurteater, der Høgskulen i Volda var så heldige at dei hadde fått låne lokale av Høyskolen i Oslo og Akershus.

Ein av dagane var studentane på workshop med Kari Ramnefjell frå Teater Joker, som fleire gonger har hatt samarbeid med Seanse og HVO. På workshopen var det fokus på skodespel utan nokon form for hjelpemiddel, ei teaterform kalla bande mimée eller teikneseriemime. Studentane lærte altså korleis dei skal få fram eit bodskap utan rekvisita. Dei fekk berre bruke kroppane og stemmene sine til å skape både lydkulissar, karakterar og scenografi.

I går fekk underteikna og 2.årsstudentar på bachelor i drama og teater sjå resultatet av workshopen i Teatersalen. Oppgåva dei hadde fått var å iscenesette ei brannepisode. Hendingsforløpet gjekk frå oppdaging til sløkking av brannen, der dei måtte få med tilkalling av hjelp og sjølve utrykkinga. Sigrun Meisingset passa på at alle hadde laga ein tittel på framføringa si. Studentane måtte også finne ein passande sang, og det vart blant anna sunge «Brannmann Sam» og «Ring of Fire».

framføring workshop 15.10.14_foto av karoline stokke (4), Høgskulen i Volda
Gruppe 1 i aksjon. Foto: Karoline Stokke.
framføring workshop 15.10.14_foto av karoline stokke (24), Høgskulen i Volda
Gruppe 1: I brannbilen på veg for å slukke brannen. Foto: Karoline Stokke.
framføring workshop 15.10.14_foto av karoline stokke (10), Høgskulen i Volda
Gruppe 2: Brannmannen får vite om brannen via telefon. Brannbilen står klar i front. Foto: Karoline Stokke.
Gruppe 2: Eigaren av huset kommanderer, medan brannmannen slukkar brannen. Foto: Karoline Stokke.
Gruppe 2: Eigaren av huset kommanderer, medan brannmannen slukkar brannen. Foto: Karoline Stokke.
framføring workshop 15.10.14_foto av karoline stokke (17), Høgskulen i Volda
Gruppe 3: På veg for å slukke brannen. Foto: Karoline Stokke.
framføring workshop 15.10.14_foto av karoline stokke (18), Høgskulen i Volda
Gruppe 3: Personen i huset slit med å kome seg ut på grunn av dei høge flammane. Foto: Karoline Stokke.
framføring workshop 15.10.14_foto av karoline stokke (27), drama og teater, Høgskulen i Volda
Gruppe 4: Brannmennene held på å slukke brannen. Foto: Karoline Stokke.
framføring workshop 15.10.14_foto av karoline stokke (28), drama og teater, Høgskulen i Volda
Gruppe 4: Fornøgde med å ha slukka brannen. Foto: Karoline Stokke.
framføring workshop 15.10.14_foto av karoline stokke (1), drama og teater, Høgskulen i Volda
Studentane lærer mykje av å vere publikum til kvarandre. Foto: Karoline Stokke.

Velkommen til Seminar: Framtidas læring og skule

Framtidas læring og skule

Fra: 27. Oktober 2014 10:00-15:00

framtidens læring og skole3

Stad: Høgskulen i Volda, BK 161 (store aud.)
Vi har fått ny infrastruktur og mange nye digitale tjenester med Internett og dette har endret samfunnet radikalt på få år. Dagen er viet digital kompetanse og teknologien som har endret kommunikasjon og arbeidsmetoder i samfunnet.

Teknologien er i ferd med å endre kunnskaps- og læringsbegrepene; Hva er læring og kunnskap samt hvilke arbeidsmetoder og kompetanser trenger man i det digitale kunnskapssamfunnet? Arne Krokan er sosiolog og Peder Haug er pedagog disse vil gi sine perspektiver på disse utfordringene. Bibsys vil gi et bilde av hvordan digitaliseringen har og vil endre infrastrukturen; hva betyr dette for bibliotekstjenesten, lærere og studenter i fremtiden?Dagen avsluttes av Ludvigsen-utvalget som har sett disse problemstillingene, og har da levert sin første delrapport. Ludvigsen-utvalget er et offentlig utvalg nedsatt av Kunnskapsdepartementet som skal vurdere i hvilken grad skolen dekker de kompetanser elevene vil trenge i fremtiden. Se heile programmet her.

Hendingar på drama og teater, hausten 2014

Studentane som går drama og teaterHøgskulen i Volda har ein aktiv studiekvardag. Før helga vart det første Husteateret i semesteret gjennomført i Teatersalen. Husteateret er ope for alle, og denne gangen var det førsteårsstudentane som viste fram dialogar.

dialoger 2012_stine og martin på bilde_avdeling for kulturfag_høgskulen i volda
To studentar som øvar på dialogar i 2012.

Komande hendingar, hausten 2014:

  • Teaterframsyningar 16.-18.november, kl.19.00
    2.årsstudentane viser årets teaterproduksjon i Teatersalen.
  • Teaterframsyningar 7.desember, kl.14.00 og 18.00
    1.årsstudentane viser årets familieforestilling Juleeventyret i Operahuset Nordfjord.
mon signor_vår2014_drama og teater_høgskulen i volda
Frå drama og teater si framsyning av Mon Signor, våren 2014.

Følg “Drama og Teater i Volda” på Facebook for kontinuerleg oppdatering om hendingar på seksjonen.

 

Connected educator month i Norge

  • Få flere lærere og skoleledere på nett slik at de ser nytten av å bruke sosiale medier til å dele, lære og bedre egen praksis
Connected educator
Connected educator

Nå er vi i gang!

6. oktober startet det vi kaller “connected educator month” Norway. Tittelen er engelsk fordi konseptet er engelsk, men arrangementet er myntet på skolefolk i Norge. Vi håper på deltakelse fra både skoleledere og lærere. (Les mer her).

Høyskolen i Volda ved Digital Kompetanse i Læring er med på arrangementet og skal delta med diskusjon på Twitter, blogg og delta på konferansen i Sandvika.

Støttespillere og aktive bidragsytere

I oktober lanserer vi ”Connected Educators Month” i Norge. Bak dette prosjektet står NHO, Norsk senter for IKT i utdanning, IKT Norge, Itslearning, NDLA, TV 2 Skole, Elevorganisasjonen, Utdanningsforbundet og Sandvika vgs. Det er Sandvika vgs som er initiativtaker og leder prosjektet.

Selve ideen er hentet fra USA, som arrangerer dette for 3. gang nå i år. Initiativet kom fra kunnskapsdepartementet som så behovet for å få flere lærere på nett. President Obama støttet initiativet og deltok på noen av arrangementene. Mer informasjon om dette finnes på deres hjemmeside «Connected Educator Month».

I år ønsker USA å synliggjøre at dette er et globalt prosjektet og de har derfor oppfordret andre land til deltagelse. Resultatet er at Australia, New Zealand og Norge deltar i dette globale prosjektet.

Mål for arrangementet:

  • Få flere lærere og skoleledere på nett slik at de ser nytten av å bruke sosiale medier til å dele, lære og bedre egen praksis
  • Få flere lærere og skoleledere til å se hvordan digitalt innhold og tjenester kan øke elevenes læringsutbytte.
  • Dele gode eksempler ved instruksjonsvideoer, webinarer og ressurser skolene kan nyttiggjøre seg på planleggingsdager og i etterutdanning av lærere.
  • Støtte og oppmuntre innovasjon og nytenkning på dette området
  • Støtte, oppmuntre og anerkjenne eksisterende ildsjeler

I flere land har man nå fått øynene opp for hvordan vi kan lære i fellesskap ved hjelp av teknologi. Vi ser en voldsom vekst i online kurs, såkalte MOOCs som tilbys fra universitet og høyskoler. Flipped classroom og ressurser på nett hjelper elevene i sin læring og kan gjøre skolehverdagen enklere for læreren. Det handler selvsagt om elevenes læring og deres resultater. Når diskusjonene rundt på arbeidsplassene er sentrert rundt elevenes læring øker sjansen for at elevene oppnår gode resultater. Samfunnet for øvrig er i en konstant endring og skolene ved rektor og lærere plikter å holde seg oppdatert.

Oktober 2014

Hele oktober ønsker vi å tilby en variasjon av aktiviteter lærere og skoleledere kan delta i. Fra webinarer, paneldebatter, konkurranser, Twitter chats, smakebiter av MOOCS, instruksjonsvideoer, kampanjer, diskusjoner og bokklubber. Alle arrangement finner du i menyenkalender. Norske aktiviteter finner du i myenyen aktiviteter i Norge. Du kan selvsagt delta på alle webinarer og online aktiviteter du måtte finne begge steder!

Innlegget her kan også leses på http://cemnorway.org/

Facebook: Connected educators month Norway

Twitter: Hashtag: #cenor14

Jørn finalist i Idol 2014!

I går var det duka for fjerde semifinale i sangkonkurransen Idol TV2. Jørn Trollebø Kvalheim var ein av dei ti deltakarane som hadde sjansen til å gå vidare til finalen. Den vakre framføringa av “Where do my bluebirds fly” av Tallest man on earth rørte både dommar Tone Damli og programleiar Stian Blipp.

YouTube Preview Image

Framføringa var så bra at dei andre semifinalistane reiste seg. Tv-sjåarane var også mektig imponerte, noko som førte til at Jørn vart stemt vidare til topp 10 saman med Tara Lill Flåten Nicolaisen.

Til dagleg studerer Jørn musikk ved Høgskulen i Volda, og han har tidlegare uttalt at det er ein fordel: “Det er noe med å ha sangteknikk, kjenne på presset og kjenne at dette er alvor. Da tar en gjerne litt ekstra i når en synger, og blir fortere sliten”.

Seksjonsleiar Øystein Salhus og høgskulelektor Svein Hunnes ved musikkseksjonen på Avdeling for Kulturfag har mykje positivt å seie om Jørn:
«Jørn er veldig engasjert, og han har ein smittande energi som publikum også får kjenne på» seier Salhus.
«Ja, framføringane hans er ekte og inderlege» legg Hunnes til.

Som student er Jørn er ein stjerneelev på alle måtar. Han er aktiv i musikkmiljøet både på og utanfor høgskulen. Salhus og Hunnes er einige om at Jørn har god innverknad på klassemiljøet. For Jørn er det truleg også hjelpsamt å ha medstudentane som støttespelarar under Idol. «Det er ei god og støttande klasse!» påpeikar Hunnes.

I forhold til Jørn sine sjansar vidare i Idol er Hunnes og Salhus optimistiske. «Jørn syng sjølvsagt veldig bra! Han er også flink til å velje songar som passar til stemma hans» meiner Salhus. Hunnes er einig og påpeikar at det er ein stor fordel at Jørn er mottakeleg for innspel frå andre. «Jørn er veldig lærevillig, og han har i tillegg beina godt planta på jorda» avsluttar Hunnes.

– Les meir om Jørn sin prestasjon i semifinalen i VGSunnmørsposten, Fjordens Tidende  og på TV2.no.
– Intervju med Jørn og Tara etter semifinalen kan du sjå her.

Tidlegare bloggpostar om Jørn:
Jørn vidare i Idol
Idol-kjendis på AKF

Prezi-presentasjon av meg sjølv

Toril er student ved DKL (digital kompetanse i læring ved Høgskulen i Volda)


«Dere skal få hoppe rett på! 
Her er første bloggoppgave i DKL114:

Lag en presentasjon av deg selv i levende bilder og lyd, med hjelp av digitale verktøy.»

Med desse orda kasta Albertine og Jon meg, og sikkert fleire, ut på djupt vatn. Etter ei kort idémyldring i hovudet mitt sat eg at med det store spørsmålet «Korleis?». Hadde eg stått i ein dramasal, kunne eg lett ha ordna levande bilder og lyd ved hjelp av levande menneske. Eg er van å arbeide med levande menneske. Dei er greie å regissere. Ingen knappar og program, berre dialog. Men spranget frå å regissere til å redigere er ganske stort. Vertfall for meg. Så eg svarte på spørsmålet «korleis?», med eit nytt spørsmål: «paint?» og deretter byrja eg å le. Eg fann heldigvis lista over moglege verktøy vi kunne bruke før eg kom så langt at eg opna paint, men eg drog ikkje kjensel på nokre av namna, med unntak av Vimeo.

Svogeren min kan slikt som eg no skal lære. Han er min tekniske support, så eg ringte han for å få nokre start-tips. Han byrja også å le då eg fortalte kva eg skulle til med. Etter ein liten prat enda eg opp med å opprette ein konto på Prezi, eit program han meinte å hugse var brukarvennleg for nybyrjarar. Eg innsåg kjapt at eg kom til å få ei ganske bratt læringskurve og sette i gong. «Prezi is a virtual whiteboard that transforms presentations from monologues into conversations: enabling people to see, understand, and remember ideas». (http://prezi.com/about/)

I Prezi finn ein ulike ferdige templates, eller forslag til korleis presentasjonen din kan sjå ut. Ein kan enten velje mellom- og arbeide ut ifrå ein av desse, eller ein kan lage ein sjølv heilt frå botnen. Eg prøvde begge deler, og enda i denne omgang opp med å bruke ein ferdig template som utgangspunkt for presentasjonen min. I Prezi fyller ein eit virtuelt whiteboard med den informasjonen ein vil formidle, før ein så bestemmer kva rekkefølge informasjonen skal visast i. Ein kan legge inn både bilder, film, tekst og lyd. Eg har holdt meg til bilder, tekst og lyd. Når ein er nøgd spelar ein av presentasjonen slik ein gjer med ein powerpoint-presentasjon. Enten trykker ein seg fram frå bilde til bilde, eller ein kan velje autoplay. Prezi er zoom-basert, som vil seie at det blir zooma inn og ut mellom dei ulike lagra elementa i presentasjonen.

De som ser prezi-presentasjonen må trykke ein del for å komme gjennom, med mindre de vel autoplay-4sec nede i høgre hjørne. Eg har laga presentasjonen slik at det skal passe med tida ein treng på å lese/sjå kvart bilete. Eg tok litt av då eg innsåg at kvart enkelt vesle objekt i presentasjonen kunne lagrast som eit eige bilde. Det være seg eit enkelt ord, eller ein bilde-collage. Eg legg difor ut prezi-presentasjonen min, samt link til presentasjonen lasta opp som film i Vimeo for moro skuld. Filmen i vimeo fekk eg hjelp til å lage av teknisk-support svogeren min, så no har eg byrja å lære litt om å klippe film også. Filmen er laga ved å manuelt trykke seg gjennom kvart enkelt bilete i ynskja tempo. Musikken vart lagt på til slutt.
Jon skreiv heldigvis i den første leksjonen her på DKL114, «Enjoy the course and remember to try to FAIL».  Vel, oppdraget er utført! Eg har prøvd å feila i mange timar for å få til denne vesle Prezi-presentasjonen. Eg hugsa at eg måtte finne musikk til fri bruk, cc-lisensiert musikk, men i den skapande prosessen hugsa eg ikkje at det også gjeld for bilete. Det gjekk med nokre timar ekstra sidan eg måtte skifte ut ein heil del av bileta eg hadde brukt. Eg gløymer ikkje det neste gong.
Læringskurva har vore bratt, eg har snubla ein heil del, men det har vore veldig kjekt! Det er lenge sidan eg har arbeidd så konsentrert med ei oppgåve, og eg ser fram til å klatre, snuble og feile mykje meir! Ein ting er sikkert, eg sit att med mykje kunnskap som eg ikkje hadde for tre dagar sidan, då min første tanke om digitalt verktøy var å bruke paint.

 

-Toril

(reblogget fra http://rutorilstudiebloggdkl.blogspot.no/2014/09/prezi-presentasjon-av-meg-sjlv.html)
Prezi-presentasjon

Vimeo: Prezi-presentasjon