Category Archives: Musikk

Musikk

GRÅBLÅ VÅRKVELD I STØA PÅ YKSNØYA

Trass i at havskodda hang over Gurskøya og nordvesten kjøla publikum, gav gråveret i bakgrunnen ein fin kontrast mot musikarane på bryggekanten på Yksnøya ytst i Voldsfjorden. Impro-jazzgruppa Quest og samtidskomponisten Magnar Åm mana fram lysare stemningar hos dei rundt 90 personane, som laurdag 24.mai hadde benka seg i støa.

Høgskulen_Volda_friluftsliv_Vårkveld_Yksnøya1
Høgskulen_Volda_friluftsliv_Vårkveld_Yksnøya

Ein spesiell og på sin måte eksotisk musikalsk maikveld i støa på HVO sin Base på Yksnøya.                         Foto: Anne-Mari Falkevik.

Fagmiljøet Idrett og friluftslivHøgskulen i Volda inviterte publikum til utekonsert på Basen på Yksnøya, der dei driv kurs i kystfriluftsliv. Fagmiljøet er knytt til Avdeling for kulturfag og til dette arrangementet samarbeidde dei med fagtilsette og utøvande musikarar frå musikk, realfag og språkfag. Det er eit poeng i seg sjølv å arbeide på tvers av fagmiljø, særleg i utviklingsarbeid, seier Base-ansvarleg Nils Ola Skuset, det er viktig å vise at natur og naturelement engasjerer og inspirerer både innanfor friluftsliv og musikk.

Impro-jazzgruppa Quest består av Andreas Barth, Erik Fooladi, Geir Petter Hjorthol og Torleif Sagstad. Dei inviterte samtidskomponisten og improvisasjonsmeisteren Magnar Åm til samspel på denne konserten. Her vart naturlydar som bølgjeskvulp, vind og gåsekvakking lagt inn saman med undervasslydar frå mikrofonen nedsenkt i sjøen. Gjenstandar frå fjøra og øya vart nytta som perkusjonsinstrument. Quest sitt særeigne lydbilde vart godt framheva og nennsamt mixa av teknikaren Kjetil Kristiansen frå Lydkjellaren i Ålesund.

Høgskulen_Volda_friluftsliv_Vårkveld_Yksnøya
Høgskulen_Volda_friluftsliv_Vårkveld_Yksnøya

Impro-jazz i fint driv på Yksnøya. Quest-medlemmmene Torleif Sagstad på gitar, Andreas Barth og Erik Fooladi på stadeige slagverk og Geir Petter Hjorthol på trompet. Samtidskomponist Magnar Åm på keybord. Foto: Nils Ola Skuset.

Dei tilreisande hadde budd seg med gode klede og varmande pledd, for som ein av dei sa var det klart at dei skulle tåle slikt ver når dei la ut på båttur og dessutan hadde Magnar Åm i vente! Publikum applauderte det dei opplevde, og som fleire uttalte medan dei venta på heimskyssen etter konserten: “Her fekk vi ein fin stemningskveld. Slike arrangement må verte ein årleg happening her ute!”

Høgskulen_Volda_friluftsliv_Vårkveld_Yksnøya
Høgskulen_Volda_friluftsliv_Vårkveld_Yksnøya

Musikarane vart takka av på stadeige rekved. Fjøla heng no i naustet på Yksnøya!  Foto: Antje Meier.

Du finn bildegalleri frå konserten hos Gunnar Wangen: http://naturfotografen.zenfolio.com/f39393984.

Idrett og Friluftsliv, nå også med konsertar

Idrett og Friluftsliv opererer også innanfor sjangeren konsertar! Opplegget på Yksnøya 24.mai er nokså spesielt, men ikkje desto mindre interessant. Vi skal prøve ut Basen for natur, kultur og friluftsliv som arena for andre typar arrangement enn kurs i kystfriluftsliv, det blir noko ganske annleis enn det vi gjer til vanleg.

Etherna og Fabio Lione på ROKKEN

volda_musikk_konsertanmeldelse_Etherna og Fabio Lione
volda_musikk_konsertanmeldelse_Etherna og Fabio Lione

Søndag 27. april sto Etherna på scena på ROKKEN i Volda, ein konsertopplevelse som skulle vise seg å endre mange av dei oppmøtte tilskodarane sitt syn på «power metal»-sjangeren. Heilt frå Piza, Italia hadde bandet reist – saman med sin gode ven Fabio Lione – for å spele ein miniturné fra Ålesund til Volda. Med seg hadde dei Darkest Sins, eit lokalt band som sjølv hadde tatt ansvar for å få musikarane flydd inn til Noreg. Instillinga mi før konserten var noko skeptisk, men dette skulle fort endre seg.

Continue reading Etherna og Fabio Lione på ROKKEN

Nasjonal festkonsert – Symfoniorkester

Symfoniorkesteret sin 17. mai -konsert
Med Jorun Marie Kvernberg som solist

Symfoniorkesteret  ved Høgskulen i Volda og Jorun Marie Kvernberg
Symfoniorkesteret ved Høgskulen i Volda og Jorun Marie Kvernberg. Foto: Marius Beck Dahle.

Stad: Konsertsalen i Kaarstad-huset på Høgskulen i Volda
17. mai 2014
Tid: 20.00

17. mai kan du høyre Symfoniorkesteret ved Høgskulen i Volda. Den tradisjonsrike konserten har to nye element i år! Ny konsertsal og samarbeid med folkemusikaren Jorun Marie Kvernberg.  Her får du blant anna høyre hardingfelekonserten Tri fjordar av Geirr Tveitt.
Les omtale

Billettar:
Vaksne: kr 250
Studentar: kr 100
Born: kr 50
Ver tidleg ute, her kan verte kamp om plassane!

Kulturfestivalen EXIT VOLDA!

exit volda
Høgskulen i Volda – Exit Volda

I januar dette året startet vi opp et nytt emne kalt Entreprenørskap i kulturnæringar her på avdeling for kulturfag. Dette er et emne som gir studentene innsikt i det potensialet som ligger i verdiskaping og innovasjon innenfor kulturfagene. Dette semesteret har vi studenter fra Drama, Musikk, Media, IKT og design og Kunst og håndverk. 28 studenter har sammen valgt 7 ideer som de har dannet grupper rundt og som de nå utvikler forretningsplaner til. En av disse gruppene har ideen EXIT VOLDA, en kulturfestival der bachelorstudentene ved avdeling for kulturfag skal kunne vise frem det de har jobbet med, lært og utviklet i løpet av sine tre år her ved Høgskolen i Volda.

Les mer på hjemmesida til høgskolen her:
Kulturfestival som eksamensprosjekt.

Sjekk også ut festivalens Facebookside

Kanskje du vil være med å skape verdier innenfor ditt kulturfag til neste år. Emneplanen finner du her.

Nina & the Butterfly Fish – jazz

Konsertmelding frå Volda Jazzklubb 

Høgskulen i Volda

av Gjermund Søremshaugen Høgskulen i Volda

Tysdag kveld 29. april var det konsert på Volda Jazzklubb. Konserten fann stad på studentpuben Rokken. Det var ein dobbeltkonsert.

Jazzkvartetten Operasjon Hegge starta konsertkvelden. Dette var eit særskild  dyktig band som spelte musikk som trefte publikum godt.

Klokka 22.35 starta Nina & the Butterfly Fish som tidlegare gjekk under namnet ”Sommerfuglfisk”, å spele. Jazztrioen er samansett av: Nina Kristine Linge som spelte gitar og song, Dan Peter Sundland på bass og Hans Hulbekmo på trommar.

Nina & the Butterfly Fish spelte ti songar som skildra deira mangfaldige musikalske utrykk, og syna eit særskild dyktig jazzband. Linge hadde ein særs røff vokal og spela fantastisk gitar. Bassisten Sundland skatet og spelte el-bass både med og utan boge, medan trommeslager Hulbekmo laga ei god grunnmur, spelte på kakeboks og på eit fingarpiano under konserten.

Dei tre i bandet kommuniserte godt seg i mellom medan dei spelte og hadde ein utstråling som gjorde at dei fekk den same gode kommunikasjonen med publikum.

Bassen og trommane laga saman ein god grunnmur for vokalen og gitaren, sjølv når bassisten spelte synkront med gitaren, eller spilte sin egne melodilinar.  All musikken dei spelar er sjølvkomponert og var særs variert. Han er influert av afrikansk og latinamerikanske rytmar, blues, jazz, folkemusikk, indisk, pop, rock, blågras og meir. Tekstane er hovudsakleg på engelsk, inspirert av den persiske diktaren Rumi sin tidlause bodskap «peace and love».  Altså ei spennvidde frå Cubansk inspirert til Afro-country. Musikken dei spelte hadde gode skifter mellom sterkt og mjukt, og hadde rytmeskiftar og improvisasjon som gjorde musikken interessant og høyre på.

Koret Sundland og Hulbekmo la på i nokre av songane passa særs bra med vokalen til Nina Kristine.

Musikkformidlinga var god og ein kunne sjå artistane kosa seg på senen, noko som gjorde at det ble ei god musikkoppleving. Mellom songane fekk bandet  publikum til å le og skapa skikkeleg god stemning. Publikumet svara særs bra til musikken og ga mykje applaus.

Det var berre synd at det ikkje var fleire som møtte fram når eit så dyktig band spelar på jazzklubben.  Dette synar at denne musikkstilen ikkje appellerer til alle.

Den gode responsen på programmet syna jamvel og tydeleg at den passa utmerka til publikummet som hadde møtt fram.

Eg tykte dette var ein ovleg god konsert og eg er viss på at eg har publikum meg når eg skriv dette.

 

Gjermund Søremshaugen

Samklang med meirsmak – musikkfag

Av Mai Iren Vidnes student ved Høgskulen i Volda, musikk

Laurdag 26.04 inviterte Volda Hornmusikk inn til Vårkonsert i kantina på Berte Kanutte. Med seg som gjestar hadde dei Volda Mannskor.

God plass
Det var nok litt færre tilhøyrarar enn arrangøren hadde håpa på rundt dei fine, vårpynta småborda, men ein får tru at det flotte veret gjorde sitt til at mange ikkje tykte dei kunne ta seg fri frå våronna denne laurdagen. Dette la likevel ikkje nokon dempar på humøret til dei som hadde møtt fram. Stemninga var lun og fin, og det såg ut til at folket sette pris på det dei fekk servert.

Variert program
Begge aktørane fekk presentere musikk frå eit breitt og variert program denne  ettermiddagen. I strålande vårsol leidde konfransier Trond Monsholm oss igjennom konserten. Volda Hornmusikk spelte både feiande marsjar og popsvisker frå inn- og utland under leiing av dirigent Ulf Kristiansen. Trang Fødsel si låt «Drømmedame» vart med glimt i auget tileigna mannskoret. Kven dei smektande saxofontonane i Bee Gees sin «How deep is your love» gjekk til vart det derimot ikkje sagt noko om.

Hornmusikken musikkudanning i Volda
Volda Hornmusikk spelte både feiande marsjar og popsvisker frå inn- og utland under leiing av dirigent Ulf Kristiansen

Volda Hornmusikk spelte både feiande marsjar og popsvisker frå inn- og utland under leiing av dirigent Ulf Kristiansen

I si framføring av J. M. Førde sin Brudemars hadde dei teke i bruk god, gamal neverlur for å setje publikum i rette stemninga. Her var dirigenten sjølv i sving som solist, og gjorde stor suksess der han vandra mellom borda medan han spelte saxofon.

Meir enn musikk
Det var ikkje berre musikk Volda Hornmusikk kunne by på denne ettermiddagen. Kristiansen fekk med musikarane på innslag av skjemt og moro i framføringane, noko som skapte  latter og god stemning i salen. Ei pause med smørbrød, kaker, kaffe og loddsal vart det og tid til før mannskoret fekk sleppe til. 

Gjestekoret

Volda Mannskor
Volda Mannskor

Janne M. G. Skarstein dirigerte Volda Mannskor slik ho no har gjort i ni år. Dei opna si avdeling med songen som er spesialskriven for grunnlovsjubileet, «Det går et festtog gjennom landet». Utover i si avdeling framførte mannskoret fleire songar som vi set pris på å høyre att, alt frå sarte kyrkjetonar som «Jesu Salvator Mundi», til den meir spretne «Maj på Malö» -som dei no syng utan dirigent. Dei leverte og smakebitar av nytt stoff som dei har øvd inn til sin eigen storkonsert den 10. Mai. Den konserten vert Skarstein sin avskjedskonsert med mannskoret før ho overlet roret til andre, seier ho.

Vellukka samspel
Etter at alle gevinstane var delt ut, var det duka for hendinga som Ulf Kristiansen gledde seg aller mest til på førehand. For fyrste gong skulle han få dirigere Volda Hornmusikk og Volda Mannskor i eit fellesnummer. Verket dei valde heiter «Landkjenning» (også kjent som «Og det var Olav Trygvason») og er komponert av Edvard Grieg til tekst av Bjørnstjerne Bjørnson.

Musikkstudie i Volda
Ulf Krsitansen

Verket er opprinneleg skrive for kor og orkester, men med hornmusikk og mannskor i lag vart det flott framføring og ei staseleg avrunding av konserten. Desse to aktørane kling godt saman, og fleire frå publikum nemnde at dei kunne tenkje seg å høyre meir av eit slikt samarbeide.

Høgskulen i Volda Musikkstudie
Fellessong

Velkommen til akustisk konsert – musikkfag

Fredag 11. april
Kl. 16.30
Konsertsalen, Kaarstadbygget

gitarKva med å avrunde ei hektisk arbeidsveke med vakre gitartonar? Gjermund Sørumshaugen inviterer til akustisk konsert, med gitar og vokal. Han har med seg Amund som gjestegitarist på delar av konserten, som varer ca 45 minutt.

Alle velkommen!

Gjermund er student på bachelor musikk og konserten er ein del av arbeidskrav i bachelorløpet. Les også om den flotte konserten til alle bachelorstudentane den 2. april.

Gratiskonsert i den nye Konsertsalen! – Musikkfag

musikk student Volda

Konsertsalen, Kaarstadbygget
Onsdag 2. april

Kl. 13.30
Gratis inngang

 

 

Bachelorstudentane i musikk inviterer til konsert!
Dette blir ein mangfaldig konsert med alt frå klassisk musikk, via jazz til hard rock. Elevane ved Volda vidaregåande skule si linje for musikk, dans og drama er spesielt inviterte gjester. I tillegg kan kven som ynskjer av studentar og tilsette og bygdefolk gjerne kome og nyte nokre gode tonar midt i ein travel kvardag. Alle er hjarteleg velkomne!
Les om den nye, flotte konsertsalen ved Høgskulen i Volda.