Nytt studium – NATURGUIDE

Høgskulen i Volda Naturguide
Høgskulen i Volda Naturguide

Hausten 2015 er det oppstart for det nye årsstudiet Naturguide ved Seksjon for idrett og friluftsliv ved Høgskulen i Volda

Studiet har fokus på guiding frå hav til fjell, på nye teoriområde innanfor reiseliv, og gjesten sitt perspektiv. I studiet lærer ein om guiding både i sommarhalvåret og i vinterhalvåret i ulike naturtypar. Studiet har fokus på guidearbeid i norsk fjordlandskap, med spesiell vinkling på lokalgeografi, lokalhistorie og lokale naturbrukstradisjonar. Studiet har også vekt på reiseliv, opplevingspsykologi og forståing for at vi arbeider med menneske som står i relasjon til andre menneske, tryggleiksmessig og sosialt.

Innanfor reiselivsnæringa ynskjer ein å ha ei kvalitetssikring av guidetenester, då naturbasert reiseliv er i sterk vekst. Fleire og fleire er villig til å betale for kvalitetstid i naturen, noko som skaper ein marknad for guideutdanning og guidetjenester. Målsettinga med studiet er å kvalifisere studentar for arbeid som naturguide i høve Norsk Naturguideforbund sin Bransjestandard for naturguide (NNG).

Høgskulen i Volda har frå før bachelor og årsstudium i friluftsliv og Tindevegleiarutdanning, samt bachelor og årsstudium i idrett. Naturguideutdanninga kan takast som ein del av Bachelorgrad i friluftsliv, men kan også sjåast som eit sjølvstendig avsluttande studium. Søknadsfristen er 15. april.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>