Skype-foredrag med creative director Jenny Theolin

Jenny and the students

Onsdag 4. februar hadde våre Creative Commercial Photography-studentar ved Høgskulen i Volda (AKF) ei inspirerande Skype-forelesning med creative director Jenny Theolin frå Soapbox & Sons. Jenny si allsidige erfaring med «creative commercial photography» og grenselause kreativitet er grunnen til at vi inviterte ho som Skype-forelesar. Klassen humra seg gjennom heile foredraget, og vi kjende Jenny si entusiasme smitte gjennom skjermen. Jenny har mange års erfaring frå reklamebransjen i London, og jobbar for tida frå Stockholm. I tillegg til å jobbe med art direction og design, underviser ho (blant anna på designskulen Hyper Island) – og arrangerar utstillingar både i Sverige og Storbritannia. Kanskje er Norge det neste landet ho siktar seg inn på? Jenny og klassen kom saman på ein idé til ei muleg kampanje i Oslo – og ei utstilling på Hareid-Sulesund-ferja.

I foredraget fortalte Jenny om kvardagen til ein creative/art director, og deira rolle når det gjeld reklamefoto. Jenny bidrog også med kreative tips til korleis ein kan få seg jobbar og praksisplass i bransjen, enten det er som fotograf, produsent eller art director. Både våre produksjons- og designstudentar fekk nok mykje ut av denne timen, ein inspirasjonsboost ein kald vinterdag. Vi håper og trur at dei etter foredraget følte at «alt er muleg», og at dei bør bruke kreativiteten sin for alt den er verd. De kan lese meir om Jenny og hennar påfunn på www.jennytheolin.com og soapboxandsons.com. Og vi, vi gler oss allereie til neste CCP-time med dei engasjerte studentane våre.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>