Tag Archives: friluftsliv

Studiet friluftsliv

Utdanningsdagane 2014

4.-6. november vitja kring 700 elevar Høgskulen i Volda i høve Utdanningsdagane. Målet med desse dagane er å gi elevar frå vidaregåande- og folkehøgskular i området eit innblikk i utdannings- og karrierevegar i regionen.

Det er det fjerde året Høgskulen i Volda arrangerer Utdanningsdagane, men i år har både innhaldet og organiseringa av dagane endra form. Tidlegare år har elevane gått rundt på alle avdelingane og fått informasjon om studia dei tilbyr. Det nye konseptet går derimot ut på at elevane skal få eit innblikk i korleis det er å vere student på Høgskulen i Volda. På førehand valde kvar elev, gjennom elektronisk påmelding, dei fire fagområda som verka mest interessante. I tillegg til alle fagområda ved Høgskulen i Volda hadde også Høgskolen i Molde og Høgskolen i Ålesund postar som elevane kunne velje.

Elevane viste stor interesse for dei fem fagområda på Avdeling for Kulturfag, og faglærarane hadde laga gode opplegg knytt til reelle undervisningssituasjonar.

Musikk

IMG_4054_utdanningsdagane2014, avdeling for kulturfag, musikk, høgskulen i volda, foto av karoline stokke
Elevane fekk prøve ulike musikkinstrument i bandromet. Foto: Karoline Stokke.

Musikkseksjonen hadde laga eit variert opplegg der elevane fekk ei orientering om musikkstudia generelt, fekk sett ein del av den ordinære undervisninga og sjølve fekk vere aktive i bandromet. Avhengig av tidspunkt og dag fekk elevane sjå enten musikkundervisning for barn og unge, musikkteknologi eller ensembleleiing. Eit par av gruppene fekk sjå korøving, og ei gruppe fekk sjå delar av ein huskonsert. I tillegg fekk elevane teste forskjellige instrument på bandromet, og det var rom for “jamming” om elevane ville det.

IMG_4072, utdanningsdagane 2014, avdeling for kulturfag, musikk, høgskulen i volda, foto av karoline stokke
God stemning og høg musikalitet når elevane får prøve instrument. Seksjonsleiar Øystein Salhus ved pianoet. Foto: Karoline Stokke.

 

Drama og teater

IMG_4042, drama og teater, avdeling for kulturfag, høgskulen i volda, foto av karoline stokke
Bachelorstudentar fortel om livet som student på drama og teater i Volda. Foto: Karoline Stokke.

For elevane som hadde valgt drama og teater var det også lagt opp til eit samansett program. Først hadde to bachelorstudentar frå drama og teater ein presentasjon der dei blant anna fortalte om dei ulike emna, studieturar og studentmiljøet i Volda. Studentane viste også klipp frå tidlegare forestillingar laga på Høgskulen i Volda. Elevane fekk deretter vere med på ein liten workshop med øvingar som blir brukt i drama og teater ved Høgskulen i Volda. Til slutt fekk dei observere korleis studentane jobbar med å lage julemusikal for heile familien og ein absurd klassikar for ungdom og vaksne.

IMG_4050, utdanningsdagane 2014, drama og teater, avdeling for kulturfag, Høgskulen i Volda, foto av karoline stokke
Elevane fekk prøve ulike dramaleikar. Foto: Karoline Stokke.

 

Idrett og friluftsliv

IMG_4022
Mange elevar hadde meldt seg på postane til idrett og friluftsliv. Foto: Karoline Stokke.

Seksjon for idrett og friluftsliv hadde fått ein student frå idrett og ein frå friluftsliv til å fortelje om studiemodellane og mogelegheitene i Volda. Elevane fekk i også omvisning på Idrettsbygget, der dei fekk sjå pågåande undervisning både i symjehallen og idrettshallen. Der fekk dei stille spørsmål til studentar og lærarar dersom dei ønska det.

Utdanningsdagane 2014, foto av Karoline Stokke (59), idrett og friluftsliv, foto av Karoline Stokke
Idrett og friluftsliv hadde laga nye faldarar i høve Utdanningsdagane 2014.

 

Formgiving, kunst og handverk

Utdanningsdagane 2014, foto av Karoline Stokke (9)x, formgiving, kunst og handverk, avdeling for kulturfag, Høgskulen i Volda, foto av Karoline Stokke
Teiknesalen var full under Utdanningsdagane 2014. Foto: Karoline Stokke.

Formgiving, kunst og handverk gjekk heilt inn for ideen “Student for ein dag”, og arrangerte workshopar knytt til ulike materiale. Tredjeklassingane frå Ulstein vidaregåande og Ørsta vidaregåande fekk prøve seg på konstruksjon i tre, medan elevane frå Volda vidaregåande og Firda vidaregåande fekk klippe og lime når dei skulle øve seg på komposisjon og layout. Torsdagen var temaet konstruksjon av rom når vidaregåande elevar frå Eid, Stranda og Herøy og Vanylven var på besøk saman med Akademiet i Ålesund og Møre Folkehøgskule.

Utdanningsdagane 2014, formgiving, kunst og handverk, avdeling for kulturfag, Høgskulen i Volda, foto av Karoline Stokke
Tre av elevarbeida frå workshop med teamet komposisjon og layout.

 

Media, IKT og design

Utdanningsdagane 2014, foto av Karoline Stokke (55), media, IKT og design, avdeling for kulturfag, Høgskulen i Volda, foto av Karoline Stokke
Elevane fekk blant anna sjå klipp frå filmar studentane har produsert.

Opplegget som seksjon for medie- og kommunikasjonsteknologi hadde laga bestod av tre delar.  Først informerte noverande studentar om bachelor i media, IKT og design og mogelegheiter for utveksling. Deretter fekk elevane sjå klipp frå ulike produksjonar som er laga av MID-studentar.  Til slutt fekk elevane omvisning i kjellaren på Idrettsbygget, der dei blant anna fekk sjå studentar jobbe med film og foto.

Utdanningsdagane 2014, foto av Karoline Stokke (56), media, IKT og design, Høgskulen i Volda
Omvisning i lokala til MID. Foto: Karoline Stokke.

Treklatring

Som eit ledd i å lære seg klatresikringa sine kunstar hadde studentane på friluftsliv årsstudium opplæring i treklatring nylig. Studentane fekk lære både knutar og sikringsmetodar som høyrer klatring til. Det er ein enkel, sikker og artig måte å lære seg dette handverket på, og kven synest jo ikkje at det er kjekt å klatre i tre? Det første emnet på årsstudium i friluftsliv og bachelor i friluftsliv ved Høgskulen i Volda heiter Frå fjøre til fjell. Emnet vektlegg basisferdigheiter, der blant anna ulike tauaktivitetar, sikring, naturkjennskap og utstyrslære inngår som ein viktig del av opplæringa.

treklatring2_friluftsliv, Høgskulen i Volda_foto av stig løland
Akrobatikk under klatringa. Foto: Stina Johansson.

Under øvinga fekk studentane innblikk i korleis ein kan bruke denne alternative forma for opplæring med ulike grupper både med og uten tau. Treklatring er tredimensjonal, og gir dermed andre bevegelsesutfordringar enn vanleg klatring. Denne typen klatring er ofte krevande både styrke- og bevegelsesmessig. Studentane var ivrige, og dei hadde ein morsom og lærerik dag i haustsola med utsikt over fjell og hav frå tretoppane.

treklatring_friluftsliv, Høgskulen i Volda_foto av stig løland
Student i toppen av treet. Foto: Stina Johansson.

Eigenferd i Femundsmarka

I emnet IFL105 “Frå fjøre til fjell”Høgskulen i Volda inngår ei veke med eigenferd i grupper, altså tur utan lærar, som eit arbeidskrav. Emnet er ein obligatorisk del av friluftsliv årsstudium og første året på bachelor i friluftsliv. Seks av friluftslivstudentar valgte i haust å ta turen til Femundsmarka nasjonalpark. Her skildrar studenten Tarjei Engeset Ofstad nokre av opplevingane på turen:

Vi startar eigenferda med ein Norge på tvers-køyretur, frå Volda i vest til Femundsmarka i aust som mål. Det er litt campingturistar over gruppa den kvelden, med bilen rett ved første leirplass; det regnar, så det er greitt å kunne lette ein del utstyr stå tørt inne i bilen. Vi setter opp dei to telta på snøkvite, silkemjuke lappar av kvitkrull på skogbotnen sin mosaikk. Kvitkrullen har antibiotisk verknad, påpeiker sjukesøster Line. Naturforvaltar Jon er rask med å finne eit gildt stykke tyrirot slik at vi får tent lyssterkt bål i regnet.

Det finnes ikke dårlig vær, når man smiler som det her, friluftsliv, Høgskulen i Volda, Foto av sondre stenesbøl
“Det finnes ikke dårlig vær, når man smiler som det her”. På topp: Sondre Stenesbøl. Øvst frå venste: Line Skrepstad og Stina Johansson. Nedst frå venstre: Jon Meiholt, Tarjei E. Ofstad og Andreas Tegnér.

Det blir morgon, stadig regnar det og gruppa føler trang til å komme i gang. Vi går på ein sti brei nok til å frakte ut elg med firehjuling, den blir døypt «motorvegen». Etter ei stund utbrytar Line optimistisk at vi nå har nådd toppen av alle (dei få) høgdemetra i dag. Det blir fleire høgdemeter, om 100 meter stigning kan kallast høgde for nybakte sunnmøringar. Det er nemlig såpass vått og kaldt at vi avgjer å legge turen oppom Muggsjølibua, som er merka som sjølvbetjent turisthytte på kartet. I ettertid skal vi stusse litt over at valet om søke innandørs vart tatt så raskt og diskusjonsfritt.

Etter at vi passerer kulturminnet tømmerrenne, ser nokre elgjegarar og går over ei flott trebru vil vi ha lunsj. Vi har problem med å få fart på bålet, ein ferdigheit som blir styrka gjennom eigenferda. Lunsjen ender opp med å ta to timer – det blir mykje nysteikt scones. Tarjei og Jon prøver fiskelykka, som til no oppfyller orda frå dei som hadde fiska på eigenferd skuleåret før: «Det finnes ikkje fisk i Femundsmarka». Kartet blir studert og ruta vidare bestemt. Heldigvis reddar Stina sine kartkunnskapar oss frå ein bomtur gjennom ei regnstor elv.

Som friluftssliv-studentane året før også opplevde, er fisket i Femundsmarka i oktober labert. Foto Tarjei Engeset Ofstad
Lite fiskelykke i Femundsmarka i oktober. Foto: Tarjei Engeset Ofstad.

Etterkvart kjem vi opp i ope fjellende, det mørknar, hovudlyktene blir tent, alle går inn i sin eiga overlevingsboble – mest opptatt av å sette sine eigne føter riktig i den steinete blokkmarka. Vinden piskar i dei mørklagte fjesa. Line roper gjentatte gonger bekymra på Jon, som ho trur er bak ho i rekka. Det viser seg å vere Tarjei, som ikkje høyrer kva det blir ropt om, eller til kven. Line må le: ho oppdagar at Jon går framom henne. Andreas traskar godlynt framover. Andre tenker berre på å nå hytta fort som fy. Endelig finn vi fram til Muggsjølibua. På kvelden kosar vi oss, nesten bortskjemt tørre og varme, med indisk gryte á la Line.

Andreas har alltid eit smil på lur, friluftsliv, Høgskulen i Volda, Foto Sondre Stenesbøl
Andreas har alltid eit smil på lur. Foto: Sondre Stenesbøl.

Dagen etterpå fortsetter vi med mykje blaut snø og vind i lufta. «Nokre gonger kunne det vore greitt å ha rask lunsj» skal det bli sagt i etterkant. Det er nemlig surt å sitte der å steike scones, men det hjelper på at vi har funne litt ly mot den bitande, sluddete vinden. Vi kjem oss i gong igjen, på denne etappa ser vi mykje av den gule, giftige og freda ulvelaven. Lavskrika er ein kamerat vi ser ofte der vi går, og vi ser ei som nyt eit lemen utan å la seg affisere av oss. Etter ei stund møter vi ei elv som vi må ta av oss skoa for å krysse. Valet står mellom litt intens kulde eller blaute sko, det første blir naturligvis valt. Andreas tar det som vanlig med godt mot og når det er overstått seier han « jeg synes det var gøy jeg!».

Vi er på rundt 850 m.o.h. og blir etter litt diskusjon einige om å starte på den kanskje mest interessante etappa: orientering i terrenget. Dette skal i etterkant bli sett på som noko av det mest meiningsfulle vi gjorde på ferda. Tarjei får ein vrangførestelling oppklart: ein kan ikkje berre gå på kompasskurs, ein må ta ut punkter i terrenget. Sondre finner det meir enn på sin plass å sjangle rundt som Jack Sparrow med kompasset sitt som viser dit han vil, som parodi på Tarjei. Nedover i skogen går det, med litt lunare forhold og gode føresetnadar for bålfyring. Da oppstår diskusjonen: er det eigentleg lov å brekke tørrkvist her i nasjonalparken? Nokon seier klart nei, andre ja, nokon tja. Stina løyser heldigvis situasjonen ved å hogge ut litt tyrived frå gamle stubbar.

Å orienterie i dårlig vær er både viktig og krevjande, friluftsliv, Høgskulen i Volda, fotograf Sondre
Å orientere i dårleg ver er både viktig og krevjande. Foto: Sondre Stenesbøl.

Den blautaste, kaldaste natta er over. Line ser dyster ut. Det har drypt vann inn i teltet hennar, ho har hatt det tøft. Ho foreslår å korte ned turen med ein dag. Line skal i ettertid omtale situasjonen, litt fleipete, som da ho skjønte ho var ei Oslo-jente. Sondre orienterer grundig på kartet, og finn ein rekke mindre buar som kanskje tilbyr vedomn og tak over hovudet. Vi bestemmer oss for å rette kompasset mot Gubbtjønnbua. Vi taper stadig høgdemeter og skogen blir tilsvarande rikare. Ved ein svær kampestein buldrar vi litt og tek bilete.

Ingen orienterer heilt korrekt til bua, men alle kjem fram til slutt og Andreas finner «ungdomsskjelda» med godt drikkevatn. Bua er tvers gjennom koseleg, og i hytteboka står det om «Børre», storauren som visstnok lever i tjønna. Men heller ikkje her blir det fisk å få. Derimot opnar stekepanne-pizzeria á la Sondre. Det blir fest med alt frå tyttebær og sopp til creme fraiche og chili som pizzafyll. Utover kvelden vekkast sterke konkurranseinstinkt når kortstokken tas fram. Intens stillhet og dirrande, klamme hender – slik er stemninga i hytta.

Morgonen etter får vi første dagen med finvêr. Fargane på himmelen er heilt nydeleg i morgontimane. Turen går vidare nedover mot sjølve Femunden, den tredje største innsjøen i Noreg. Å orientere i terreng opplevast heilt annleis enn sti. Ein er fri, har plass, samstundes som ein må forhalde seg til gruppa. Dei siste metra av nasjonalparken, før skiltet som viser at vi er ute, kappløper Jon, Tarjei og Sondre. Litt overraskande må sprekingen Jon nøye seg med tredjeplass. Lunsjen tek vi ved ei lang flott sandstrand ved Femunden.

kontrastar på tur, friluftsliv, høgskulen i volda_foto av stina johansson
Det regna mesteparten av turen, men sola kom fram til slutt på stranda ved Femunden. Foto: Stina Johansson.

Siste etappe tilbake til Langen Gjestegård og bilen går fort, og gruppa tek siste natta i enden av Langensjøen. Frå furutoppane er lavskrika vitne til at gruppa prøver Tarjei sin tunge, klumpete sekk, der resultatet er vakling og latter. Minusgradane kryp på. Sondre blir entusiastisk av vinteren si helsing og deler masse tips om vinter-friluftsliv. Blant anna å gjere frå seg for å sleppe å halde det gamle fordøya varmt, for så å lettare halde varmen. Gruppa, som nærmast har blitt ein familie beståande av berre sysken, samlar seg tett rundt det varme bålet. Den siste kveldspraten blir djup – trur nokon på livet etter døden? Alle har forskjellige meiningsnyansar. Etterkvart glir samtalen over på fødsel. Ringen er slutta.

djupe samtalar kring leirbålet, friluftsliv, Høgskulen i Volda_ foto av Sondre Stenesbøl
Djupe samtalar kring leirbålet. Foto: Sondre Stenesbøl.

Tekst av Tarjei Engeset Ofstad.
(Innlegget er noko forkorta (red.))

Les også om studentar sine opplevingar av eigenferd i fjor:
- Jentetur til Finse

Undervisning 1220 meter over havet

Studentane som tek fordjuping i friluftslivHøgskulen i Volda har ein variert studiekvardag. I haustsemesteret har dei eit emne som heiter Friluftsliv I, der ferdsel i fjell, høgfjell og bre vert vektlagt. Som ein del av vurderinga i emnet må dei gjennomføre kursa Høgfjell/bre II og Tindefriluftsliv.  Kurset Høgfjell/bre II vart gjennomført på Haugabreen som du kan lese meir om her.

trandal_trandalshatten1_friluftsliv_andreaalstad_høgskulenivolda
Studentar lærer trygg ferdsel på tindar. Foto: Andrea Alstad.

Kurset i Tindefriluftsliv vart gjennomført i Sunnmørsalpane, nærare bestemt på Trandal i Hjørundfjorden. Hjørundfjorden ligg berre ein kort køyretur frå Volda, noko som gjer naturen der lett tilgjengeleg for høgskulen. Hjørundfjorden er velkjent for kombinasjonen av fjord og høge majestetiske tindar, noko som passar ypperleg for dei som ønsker å lære meir om friluftsliv.

trandal_trandalshatten3_friluftsliv_andreaalstad
Undervisning i vakre omgivelsar. Foto: Andrea Alstad.

På kurset i Tindefriluftsliv fekk friluftslivstudentane ved Høgskulen i Volda lære sikker og trygg ferdsel i bratt og utsatt terreng.  Studentane fekk innføring i metodar og handverk for å kome seg sikkert og effektivt fram i grupper.  Blant anna lærte dei korleis ein kan bruke tau for å kome seg opp og ned utsatte passasjar.

trandal_trandalshatten5_friluftsliv_foto av Thomas Riis
Trening på klatreteknikk. Foto: Thomas Riis.
trandal_trandalshatten6_friluftsliv_thomasriis
Studentar på toppen. Foto: Thomas Riis.

Kurset la i tillegg vekt på  vegleiing som metode, meteorologi, fjellgrunns- og plantekjennskap og lokal historie. Rørsleteknikk var ein viktig del av opplæringa, og Stig Løland sa at studentane til og med lærte å gå på nytt!

trandal_trandalshatten4_friluftsliv_andreaalstad
Under kurset sov studentane i telt. Foto: Andrea Alstad.
trandal_trandalshatten2_friluftsliv_andreaalstad
Trandalshatten. Foto: Andrea Alstad.

Brekurs på Haugabreen i Jølster

Friluftsliv fordjuping på brekurs, Høgskulen i Volda, foto: Aslaug Eide
Studentane på Friluftsliv fordjuping på brekurs. Foto: Aslaug Eide.

Friluftsliv fordjupningsstudium ved Høgskulen i Volda legg vekt på ferdsel i fjell, høgfjell og bre. I det eine emnet inngår eit vidaregåande brekurs med fokus på sikker gruppeferdsel på bre.

I haust har studentane som har valgt fordjuping i friluftsliv hatt brekurs på Haugabreen i Jølster. 15 studentar og 3 kursansvarlege tindevegleiarar hadde ein fin og utfordrande turdag på blåisen. På Haugabreen såg dei blant anna på avanserte kameratredningssituasjonar, klatring, rappellering, klemknutegang og liknande. Eit viktig fokusområde på kurset var vegleiingsmetodar. Studentane fekk mange tips og triks i forhold til korleis ein kan jobbe med grupper i utsatt terreng, og korleis ein kan lære vekk ulike ferdigheiter som har med bre å gjere.

Under kurset budde studentane og tindevegleiarane i telt nedanfor breen. Dette gjorde at dei kunne gjennomføre både kvelds- og morgontema som er relevante i bresamanheng. Blant anna var det fokus på tema som risiko og risikohandtering.

Friluftsliv fordjuping på brekurs, Høgskulen i Volda, foto: Aslaug Eide
Studentane klare til dyst. Foto: Aslaug Eide.
Friluftsliv fordjuping på brekurs, Høgskulen i Volda, foto: Aslaug Eide
På Haugabreen i Jølster. Foto: Aslaug Eide.
Friluftsliv fordjuping på brekurs, Høgskulen i Volda, foto: Aslaug Eide
Fornøgd student. Foto: Aslaug Eide.
Friluftsliv fordjuping på brekurs, Høgskulen i Volda, foto: Aslaug Eide
I aksjon. Foto: Aslaug Eide.
Friluftsliv fordjuping på brekurs, Høgskulen i Volda, foto: Aslaug Eide
Lærerik dag på Haugabreen. Foto: Aslaug Eide.

Utnytte dagslys og varme dager!

Høgskulen i Volda har studiet Friluftsliv årsstudium. Dette studiet har mange søker og er vanskeligst å komme inn på. Årets studenter er kommet godt i gang med studieåret. Etter tre uker med samlinger og kurs utendørs i skog og fjellterreng, venter nå to uker på høgskulens egen kystfriluftslivsbase; Yksnøya. Etter det blir det ut i mindre grupper i observasjonspraksis hos institusjoner og aktører som har friluftsliv eller tilbyr naturbasert reiseliv. Dessuten blir det ut på såkalte egenferder rundt omkring i norsk natur. Studentene dyktiggjøres i bl.a førstehjelp, kameratredning, leirteknikk, friluftslivsveiledning og naturkjennskap. Det gjelder å utnytte dagslys og fortsatt varme seinsommerdager før høstmørket kommer.

Høgskulen i Volda friluftsliv
Høgskulen i Volda friluftsliv
Høgskulen i Volda friluftsliv
Høgskulen i Volda friluftsliv
Høgskulen i Volda friluftsliv
Høgskulen i Volda friluftsliv
Høgskulen i Volda friluftsliv
Høgskulen i Volda friluftsliv

Brevandring med Friluftsliv på Høgskulen i Volda

Friluftsliv i Volda
Friluftsliv i Volda
OLYMPUS DIGITAL CAMERA
Friluftsliv i Volda på brevandring
OLYMPUS DIGITAL CAMERA
Friluftsliv i Volda på brevandring
bre14 014
Friluftsliv Høgskulen i Volda

Friluftslivstudentene i Volda på emnet Snø, ski og bretar nå velfortjent sommerferie etter en avslutningsuke i Jostedalen med bre og blåis som tema. Mange gleder seg til å komme tilbake i august for å lære mer om bre, glasiologi og alpine farer og for å utvikle ferdighetene i brevandring, stegjernsteknikk, redning og taubruk. I tillegg møter andre aktuelle fordypningstema i friluftsliv.; bl.a seiling,  naturfilosofi, gruppepsykologi og folkehelse.

 

Les mer i Turen går til Svalbard.

 

GRÅBLÅ VÅRKVELD I STØA PÅ YKSNØYA

Trass i at havskodda hang over Gurskøya og nordvesten kjøla publikum, gav gråveret i bakgrunnen ein fin kontrast mot musikarane på bryggekanten på Yksnøya ytst i Voldsfjorden. Impro-jazzgruppa Quest og samtidskomponisten Magnar Åm mana fram lysare stemningar hos dei rundt 90 personane, som laurdag 24.mai hadde benka seg i støa.

Høgskulen_Volda_friluftsliv_Vårkveld_Yksnøya1
Høgskulen_Volda_friluftsliv_Vårkveld_Yksnøya

Ein spesiell og på sin måte eksotisk musikalsk maikveld i støa på HVO sin Base på Yksnøya.                         Foto: Anne-Mari Falkevik.

Fagmiljøet Idrett og friluftslivHøgskulen i Volda inviterte publikum til utekonsert på Basen på Yksnøya, der dei driv kurs i kystfriluftsliv. Fagmiljøet er knytt til Avdeling for kulturfag og til dette arrangementet samarbeidde dei med fagtilsette og utøvande musikarar frå musikk, realfag og språkfag. Det er eit poeng i seg sjølv å arbeide på tvers av fagmiljø, særleg i utviklingsarbeid, seier Base-ansvarleg Nils Ola Skuset, det er viktig å vise at natur og naturelement engasjerer og inspirerer både innanfor friluftsliv og musikk.

Impro-jazzgruppa Quest består av Andreas Barth, Erik Fooladi, Geir Petter Hjorthol og Torleif Sagstad. Dei inviterte samtidskomponisten og improvisasjonsmeisteren Magnar Åm til samspel på denne konserten. Her vart naturlydar som bølgjeskvulp, vind og gåsekvakking lagt inn saman med undervasslydar frå mikrofonen nedsenkt i sjøen. Gjenstandar frå fjøra og øya vart nytta som perkusjonsinstrument. Quest sitt særeigne lydbilde vart godt framheva og nennsamt mixa av teknikaren Kjetil Kristiansen frå Lydkjellaren i Ålesund.

Høgskulen_Volda_friluftsliv_Vårkveld_Yksnøya
Høgskulen_Volda_friluftsliv_Vårkveld_Yksnøya

Impro-jazz i fint driv på Yksnøya. Quest-medlemmmene Torleif Sagstad på gitar, Andreas Barth og Erik Fooladi på stadeige slagverk og Geir Petter Hjorthol på trompet. Samtidskomponist Magnar Åm på keybord. Foto: Nils Ola Skuset.

Dei tilreisande hadde budd seg med gode klede og varmande pledd, for som ein av dei sa var det klart at dei skulle tåle slikt ver når dei la ut på båttur og dessutan hadde Magnar Åm i vente! Publikum applauderte det dei opplevde, og som fleire uttalte medan dei venta på heimskyssen etter konserten: “Her fekk vi ein fin stemningskveld. Slike arrangement må verte ein årleg happening her ute!”

Høgskulen_Volda_friluftsliv_Vårkveld_Yksnøya
Høgskulen_Volda_friluftsliv_Vårkveld_Yksnøya

Musikarane vart takka av på stadeige rekved. Fjøla heng no i naustet på Yksnøya!  Foto: Antje Meier.

Du finn bildegalleri frå konserten hos Gunnar Wangen: http://naturfotografen.zenfolio.com/f39393984.

Idrett og Friluftsliv, nå også med konsertar

Idrett og Friluftsliv opererer også innanfor sjangeren konsertar! Opplegget på Yksnøya 24.mai er nokså spesielt, men ikkje desto mindre interessant. Vi skal prøve ut Basen for natur, kultur og friluftsliv som arena for andre typar arrangement enn kurs i kystfriluftsliv, det blir noko ganske annleis enn det vi gjer til vanleg.

Jentetur til Finse

Finse Høgskulen i Volda studenter
Finse Høgskulen i Volda studenter

Vi var 6 jenter frå friluftslivsklassa frå Høgskulen i Volda, Aslaug, Benedicte, Marit, Andrea, Elisabeth og meg, som skulle på eigentur i området rundt Finse. Turen var planlagt i god tid i førevegen og vi hadde gleda oss lenge til denne turen. Vi hadde bestemt at vi skulle ta toget frå Bergen opp til Finse tysdagsmorgonen. Eg hadde besøkt ei gamaltante på Os, utanfor Bergen, i dagane før vi skulle reise. Eg hadde da bil så eg kjørte til Arna og gjekk på toget der i staden for i  . Da vi gjekk av toget på Finse var det sol og vindstille. Før vi starta på dagens etappe, som var til Geiterygghytta, var vi innom Finsehytta og fiksa DNT-nøkkel. Det var litt oppover i starten av etappa, men det var vi forberedt på så det gjekk bra. Det var eit par små pausar med teiping av heler og for å sjå litt på kartet underveg i starten.

Etter litt småpauser der heler og utstyr var fiksa, gjekk det mykje radigare. Vi nøt kvar meter vi gjekk. Været, utsikten og føret var perfekt! Vi møtte på ei skuleklasse undervegs. Dei sa vi var heldig for nå var det berre att nedoverbakkar. Noko vi sjølv var klar over og, men det gjekk fortare enn eg hadde rekna med. Løypa var stikka heile vegen til Geiterygghytta. Da vi kom til Geiterygghytta var klokka halv sju. Det begynte å bli mørkt, og det vart veldig kaldt. Vi var raske med å sette opp teltet og starta med å lage mat. I dag skulle vi ha tacogryte til middag. Aslaug og Marit laga maten, Elisabeth laga do, medan vi andre innlosjerte oss i teltet. Etter at middagen var innteke la vi oss ned i soveposen. Vi var alle slitne etter å ha gått 21 km.

På dag to var planen å halde seg så å seie i same området for så å bygge snøbolig. Andrea hadde fått eit stort dagen før så vi fann ut at det beste var å vere der vi var nå å bygge snøbolig. Andrea, Aslaug og eg ville bygge iglo, medan dei andre skulle grave seg flatgropar. Etter ein lang frokost i teltet var vi klar for å gå ut å byrje å bygge og grave. Vi starta med å bygge iglo, men vi fann fort ut at igloen vart veldig stor. Vi fortsette likevel, men måtte gje opp etter kvart fordi snøen var for dårleg. Snøen var altfor lagdelt og blokkane knakk lettare og lettare til lengre vi kom. Så nå sto vi der med ein halvferdig iglo. Vi fann ut at den eigna seg godt til kjøkkenkrok, så vi grov ut benker og bord inne i igloen. Elisabeth var ikkje heilt i form den dagen så ho hadde gjedd opp gravinga og lagt seg i teltet. Marit og Elisabeth hadde stått å grove flatgrop og da hadde det komme ein kar på scooter forbi å kjefta på dei å sagt mykje usakleg som at dei ikkje kunne grave der sidan dei var på eit vatn og at dei måtte fylle att flatgropane. Elisabeth grov igjen si og låg i teltet den natta medan Marit grov flatgropa si ferdig og låg der den natta. Etter at vi som skulle bygge iglo hadde laga kjøkken grop istedenfor begynte vi å lage middag, og i dag var det Bali kyllinggryte som stod på menyen. Etter middag tok vi turen inn på Geiterygghytta. Der tok vi ein tur innom i kiosken, og satt spelte litt kort før vi returnerte til teltleiren att og la oss til å sove.

Studenter Høgskulen i Volda
Studenter Høgskulen i Volda

Elisabeth, Benedicte og eg kjørte på med sjokolade!

På dag tre hadde vi bestemt å legge om ruta på grunn av gnagsåret til Andrea. Meininga var hadde gå til Hallingskeid som var ein tur på ca 2 mil, og frå der til Finse var det og ca 2 mil. Vi valgte å gå den kortaste vegen ned til Finse.

Høgskulen i Volda friluftsliv
Høgskulen i Volda friluftsliv

Den blå linja er der vi gjekk fyste dagen. Den lilla prikken er der vi eigentleg skulle gå til på dag tre. Den gule linja er der vi gjekk.

Denne dagen starta med litt overskya vær. Seinare på dagen klarna det opp og sola kom fram. Da vi skulle ha lunsjpause så var sola på plass! Etter vi hadde gått eit lite stykke etter lunsjpausa skyfta været. Det sludda og begynte å blåse. Vi var da ei stund veldig glade for at vi gjekk etter stikka løype for det var dårleg sikt ei stund. Vi hadde eigentleg tenkt å ikkje gå heilt ned til Finse stasjon, men ligg eit stykke lenger opp. Men når vi kom til der vi hadde tenkt å ligge, var det skilt der om at vi nå var inne i eit nedslagsfelt til eit vassverk og at vi ikkje kunne telte der. Vi gjekk derfor heilt ned til Finse stasjon og eit lite stykke forbi for å slå opp telt. Da vi kom ned til der vi skulle ligge hadde været letta opp igjen. Vi fekk fort opp telta da vi kom ned. Når vi hadde fått opp telta begynte Aslaug og Marit med middag og vi andre laga do med ein veldig fin lemur. Etter middagen satt vi i teltet og prata og hadde quiz før vi tok kvelden.

Dag fire skulle vi gå ein liten dagstur sidan vi alt var i området ved Finse stasjon. Vi gjekk eit lite stykke opp mot Hardangerjøkulen før vi fann ein fin plass der vi åt lunsj. Været i dag var strålande så vi hadde ei lang lunsj pause der nokon sola seg og andre hadde ein liten «fotoshoot». Etter lunsjen vende Andrea og Aslaug mot teltleiren att, medan vi andre fortsette turen opp til brekanten til Hardangerjøkulen. Når vi kom til brekanten snudde vi andre au, og gjekk tilbake til teltleiren. Når vi kom tilbake til teltleiren begynte eg med middagen. Middagen i dag vart ete ute i sola. Vi satt ute heilt til sola gjekk ned. Det var ein heilt nydeleg solnedgang.

Finse Høgskulen i Volda studenter
Finse Høgskulen i Volda studenter

fjellene

Aslaug, Marit, Elisabeth og Benedicte skulle ligge ut denne natta så dei bygde ein liten lemur før dei la seg. Sidan det var berre eg og Andrea som skulle ligge i telt denne natta, tok vi ned det det eine teltet før vi la oss til og sove.

Dag fem var den dagen vi skulle reise. Vi tok ned teltet, pakka ned alle sakene og grov att doen før vi reiste. Det var fortsatt mørkt når vi reiste, så vi fekk prøvd det å gå på ski i mørke og. Vi gjekk til Finse stasjon der vi skulle ta toget til Bergen igjen. Da vi kom på toget var det ganske fult så vi satt litt spredt. Benedicte, Elisabeth, Andrea og eg gjekk av på Arna, der eg hadde bilen min. Marit og Aslaug tok toget til Bergen sidan dei ikkje skulle tilbake til Volda. Vi andre hadde ein fin biltur tilbake til Volda med allsang og eit par ispauser.

Dette er ein tur som eg seint vil gløyme! Det har vore ein veldig fin tur med trivelege jenter, der eg og har lært ein del.

Takk for turen jenter!

– Ingvild Schjølberg

(Innlegget er noe forkortet (red.)

FRILUFTSLIVSSTUDENTES VINTEREVENTYR

friluftsliv høgskulen i volda
friluftsliv høgskulen i volda

Foto: Emil Strand, student Friluftsliv Årsstudium, HVO

Før påske hadde studentene på Årsstudiet i Friluftsliv sine egenferder. Her har de fått testet ut og videreutviklet kunnskapen og ferdighetene fra de siste månedenes undervisning i vinterfriluftsliv. Denne uka var det klart for å dele ettertanker etter egenturene med hele klassen. Mange erfaringer og solid fagkunnskap i vinterfriluftsliv blei delt. Gode historier blei fortalt og fortellingene inneholdt mye artig underholdning for tilhørerne. Møtet med vinterfjellet kan både være magisk og ubeskrivelig vakkert, men også brutalt og skremmende.

I år var det bl.a en rein jentegruppe på Hardangervidda og en guttegruppe på tre ukers ferd fra Dovre til Trondheim, gjennom Forollhogna nasjonalpark. Andre grupper valgte bl.a Reinheimen og Jotunheimen.

friluftsliv høgskulen i volda
friluftsliv høgskulen i volda

Foto: Emil Strand, student Friluftsliv Årsstudium, HVO

Her er en av de mange filminnslagene, en unik filmsnutt som omhandler kunsten å pulke:

http://www.youtube.com/watch?v=D1rF5FYssbI

 

 

 

Studenter forteller fra idrett og friluftsliv

Her kan du lese hvordan studenter på Idrett og Friluftsliv har hatt det i Volda!

Håkon Bakke Jensen – Idrett Bachelor:

Ski - foto av Sigbjørn Lindgren

Gjennom min bachelorgrad i idrett og friluftsliv har jeg hatt omgang med svært mange kompetente lærere som kan sitt fag til fulle, og det er svært givende å gå i timer der jeg opplever at jeg lærer noe hver forelesning. Det er akkurat passe størrelse på studentmiljøet i Volda for min del. Det er veldig artig at man kan gå rundt på campus eller på butikkene og ofte treffe på venner og kjente. Samtidig oppleves ikke dette faktum at man kan treffe på mange venner som intenst. Det er en svært behagelig og god stemning i de kretser jeg er i.  Som en person som er meget glad i idrett og friluftsliv er Volda et svært fint sted å være. Fjellene, fjorden og naturen generelt er noe av det vakreste Norge har å tilby. Med spektakulære fjell som det er svært artig å kjøre ski på er Volda et sted jeg har trivdes svært godt. Som nevnt er naturen i Volda og Sunnmøre helt utrolig nydelig, særlig på en solskinnsdag. Dårlig vestlandvær er litt oppskrytt. Et av kursene jeg husker best er skiutdanning. Det var et svært grundig kurs der vi fikk god innsikt i alpinkjøring. Vi fikk god innsikt i både løypesetting i de ulike alpingrenene og telemark og en grundig innføring i det å kjøre både alpint og telemark.

Kine Kvalsund – Idrett Bachelor:

In action i turn bachelor idrett Volda

Det å ta ei bachelorgrad i idrett her i Volda har vore veldig kjekt. Å kunne utdanne seg samtidig som ein har det morosamt har vore viktig for meg. Studentmiljøet er ikkje til å klage på og det er heller ikkje den fantastiske naturen. Samtidig er lærarane er veldig dyktige i faga sine!  Her i Volda får ein prøve mange ulike idrettar. Alt i frå turn og stup til ballidrett og ski. Samlingene på Hafjell under fordjupningsåret vert nok ikkje gløymt. Der fekk vi prøve alt i frå storslalåm til skihopping. Er det noko eg kan anbefale, så er det ei bachelorgrad i idrett ved Høgskulen i Volda.

Handball 2 bachelor idrett VoldaHandball bachelor idrett Volda
Mats Dalhaug Bjørnstad – Friluftsliv bachelor:

Haugabreen friluftsliv Volda bachelor

Volda er et fantastisk sted for alle som er glade i å være ute, og å kombinere dette med et studie i friluftsliv og idrett gjør det hele enda bedre! Studiet legger vekt på personlig utvikling, og med faglig sterke lærere er det store muligheter for å utvikle seg og få svar på så og si alt man lurer på. I hjertet av Sunnmørsalpene har man også alle muligheter enten man er glad i å oppholde seg i fjellet eller på sjøen, stå på ski eller seile. I tillegg har Volda et av Norges beste studentmiljøer, som gjør at også hverdagen i Volda er fylt av gode opplevelser!

Ski fjell friluftsliv Volda  bachelor

Simon Wester Tostrup – Idrett Bachelor:

Bachelorgradprogrammet i idrett her i Volda er svært lærerikt. Med alt det praktiske arbeidet tilknyttet teorien opplever man læring med hele kroppen. Alt fra å lære baklengs salto, gå på topptur, spille fotball og slå hjul til å stå storslalom, å ta smash i volleyball og ikke minst forstå hvordan innenfor de fysiske lovene det er mulig gjøre disse tingene. Foreleserne brenner for sine felt og er dyktige. I fordypningen er det laboratoriumsarbeid med prestasjonutvikling og min favoritt skikurs med opphold på Hafjell der man virkelig lærer å stå på ski. Volda i seg selv er jo nabo til noe av det mest spektakulære norsk natur har å by på. Med Sunnmørsalpene i hagen er det utallige turmuligheter.
turfoto-Simon_Tostrup