Tag Archives: musikk

Musikk som fag, musikkfag i Volda

SAMARBEID MED GODT RESULTAT

among colors_foto av marius beck dahle, musikk, høgskulen i Volda
Among Colors. Foto: Marius Beck Dahle.

Among Colors gav i november ut førstesingelen «Indefinite» på plateselskapet Big Valley Records. Låta vart spelt inn i Playground Studios i Stordal, og er produsert av Robin Aasen og Preben Dale. I løpet av våren kjem bandet med sin første EP, og «Indefinite» er med på denne.

Fire av medlemane i det HVO-baserte bandet studerer Bachelor i musikk ved Avdeling for kulturfag (AKF), medan femtemann tek Årsstudium i historie. Musikkvideoen til låta er laga saman med Atle Vasbotn Remmereit, han tek bachelorgraden i Media, IKT og design ved AKF. Han har fått med seg eit produksjonsteam som består av Fredrik Hinsch, Simen Krubbfelt og Tore Åfar.

Videoen handlar om ein kar som har bursdag, men som aldri heilt får det han leitar etter. Dette får brutale konsekvensar for gjestane hans. Manuset sin samanheng med songteksten er frykta for å aldri oppnå det du vil, samt frykt for å gå inn i det ukjende. Skodespelarane i videoen er studentar på Seksjon for drama og teater, der Kent Sæterøy spelar rolla som bursdagsbarnet. Bursdagsgjestane er Erle Slagsvold, Markus Odland, Silje Jacobsen og Håvard Hestetun.

Among Colors er samansett av Preben Dale (vokal/gitar/effektar), Timmy Ass (gitar/kor/effektar), Magnus Magnusson (bass), Marius Jørgenstuen (piano/synth/kor), samt Magnus Solheim (slagverk). Bandet har ein cameo mot slutten av musikkvideoen.

Bandet og videoen er eit godt eksempel på kva samarbeid mellom studentar frå ulike studieprogram ved HVO kan resultere i. Vi håper å få sjå meir til denne gjengen framover!

 

 

Ny utgåve av Meir!

Høgskulen i Volda sitt magasin Meir! har kome ut med ei ny utgåve for vinteren/våren 2015. Magasinet inneheld mykje spennande lesestoff om studentlivet i Volda.

Les blant anna om den danske friluftslivstudenten Jens, musikkstudenten Jørn som kom på 2.plass i Idol 2014, den nye naturguideutdanninga  og spennande arrangement i Volda våren 2015.

danske jens friluftslivstudent på høgskulen i volda, magasinet meir!

musikkstudenten idol jørn som kom på 2.plass i idol, høgskulen i volda

naturguide utdanning, friluftsliv, høgskulen i volda, avdeling for kulturfag

faglærarstudent, høgskulen i volda, faglærer i formgiving kunst og handverk

dette skjer i volda, høgskulen i volda, våren 2015, studenthuset rokken, x2, animation volda, veka, dokfilm, fadderveka

Klikk her for å lese heile den nye utgåva av Meir!

Trollbundne av Trollebø

Musikkstudent Jørn Trollebø Kvalheim har klart det igjen! Fredag sikra han seg plass i den siste Idolfinalen.

Den store finalen i Idol 2014 går av stabelen fredag 12. desember kl. 20. Gjer deg klar med telefonen fredag kveld og STEM på JØRN!

 Avdeling for kulturfag  og heile Høgskulen i Volda ynskjer stolt sin talentfulle student hell og lukke.

Adventskonsert

Høgskulen i Volda inviterer til gratis adventskonsert i Volda kyrkje i morgon, 27 november, klokka 18:30.

På konserten får du høyre, og synge, eit knippe velkjende og mindre kjende songar og melodiar til advent og den kalde årstida.

Deltakarane er musikkstudentarHøgskulen i Volda, Høgskulekoret og symfoniorkesteret ved Høgskulen i Volda.

adventskonsert, 2009, avdeling for kulturfag, høgskulen i volda, høgskulekoret, symfoniorkesteret
Adventskonserten har i ei årrekkje vore ei gåve frå høgskulen til bygdefolket.

Fri inngang! Velkomen skal du vere!

Blant topp 4 med eigenkomponert låt i Idol

Musikkstudenten Jørn Trollebø Kvalheim er framleis med i sangkonkurransen Idol, som blir vist på TV2 fredagskveldane. Førre veke fekk finalistane spele inn og gi ut kvar sin låt. Jørn var den einaste av dei fem finalistane som valgte å skrive låta si sjølv.
“Det er jo dette som er drømmen min, å lage egen musikk og fremføre den” sa Jørn til Fjordenes Tidende før Idol-sendinga på fredag.

Idol-finalistane fekk i tillegg lage musikkvideo til låtane sine. Her er Jørn sin musikkvideo til “Collide“:
YouTube Preview Image

Under utstemminga på fredag var det Jesper Jenset som måtte forlate Idol. Jørn er dermed blant topp 4 i Idol 2014 saman med Chinook Lamers, Ingvar Olsen og Anniken Høve.

Låtane til Idol-finalistane er tilgjengeleg både på iTunes og Spotify, og ein kan sjå musikkvideoane på YouTube.

Among Colors ute med sin første singel

Studentbandet Among Colors slapp førre veke sin første singel “Indefinite” Spotify, iTunes og WiMP. Singelen er spelt inn av i Robin Aasen i Playground Studio, og utgjeven av Big Valley Records. Masteren er gjort av Svein Erik Åmås i Audiofarm Studio.

among colors_indefinite, studentband Høgskulen i Volda, musikk
Coveret til “Indefinite” av Among Colors.

Among Colors er eit studentband frå Volda som spelar sjølvkomponert musikk i sjangeren alternativ rock. Bandet vart starta hausten 2013 og består av Preben Dale (vokal og gitar), Timmy Aass (gitar og vokal), Magnus Magnússon (bass og vokal), Magnus Solheim (trommer) og Marius Jørgenstuen (piano/synth/vokal).

among colors_foto av marius beck dahle, musikk, høgskulen i Volda
Among Colors. Foto: Marius Beck Dahle.

Fire av fem bandmedlemmer studerer musikkHøgskulen i Volda. Tidlegare har bandmedlemmane uttalt at Volda har eit inspirerande musikkmiljø med engasjerte studentar og band som er flinke til å setje i stand prosjekt og konsertar. Våren 2014 fekk Among Colors blant anna ha Studenthuset Rokken sin første lukka streamingkonsert, som vart streama gjennom heimesida deira amongcolors.com.

YouTube Preview Image

 

Sjekk ut Among Colors sin singelen “Indefinite” her:
Spotify
iTunes
WiMP

Utdanningsdagane 2014

4.-6. november vitja kring 700 elevar Høgskulen i Volda i høve Utdanningsdagane. Målet med desse dagane er å gi elevar frå vidaregåande- og folkehøgskular i området eit innblikk i utdannings- og karrierevegar i regionen.

Det er det fjerde året Høgskulen i Volda arrangerer Utdanningsdagane, men i år har både innhaldet og organiseringa av dagane endra form. Tidlegare år har elevane gått rundt på alle avdelingane og fått informasjon om studia dei tilbyr. Det nye konseptet går derimot ut på at elevane skal få eit innblikk i korleis det er å vere student på Høgskulen i Volda. På førehand valde kvar elev, gjennom elektronisk påmelding, dei fire fagområda som verka mest interessante. I tillegg til alle fagområda ved Høgskulen i Volda hadde også Høgskolen i Molde og Høgskolen i Ålesund postar som elevane kunne velje.

Elevane viste stor interesse for dei fem fagområda på Avdeling for Kulturfag, og faglærarane hadde laga gode opplegg knytt til reelle undervisningssituasjonar.

Musikk

IMG_4054_utdanningsdagane2014, avdeling for kulturfag, musikk, høgskulen i volda, foto av karoline stokke
Elevane fekk prøve ulike musikkinstrument i bandromet. Foto: Karoline Stokke.

Musikkseksjonen hadde laga eit variert opplegg der elevane fekk ei orientering om musikkstudia generelt, fekk sett ein del av den ordinære undervisninga og sjølve fekk vere aktive i bandromet. Avhengig av tidspunkt og dag fekk elevane sjå enten musikkundervisning for barn og unge, musikkteknologi eller ensembleleiing. Eit par av gruppene fekk sjå korøving, og ei gruppe fekk sjå delar av ein huskonsert. I tillegg fekk elevane teste forskjellige instrument på bandromet, og det var rom for “jamming” om elevane ville det.

IMG_4072, utdanningsdagane 2014, avdeling for kulturfag, musikk, høgskulen i volda, foto av karoline stokke
God stemning og høg musikalitet når elevane får prøve instrument. Seksjonsleiar Øystein Salhus ved pianoet. Foto: Karoline Stokke.

 

Drama og teater

IMG_4042, drama og teater, avdeling for kulturfag, høgskulen i volda, foto av karoline stokke
Bachelorstudentar fortel om livet som student på drama og teater i Volda. Foto: Karoline Stokke.

For elevane som hadde valgt drama og teater var det også lagt opp til eit samansett program. Først hadde to bachelorstudentar frå drama og teater ein presentasjon der dei blant anna fortalte om dei ulike emna, studieturar og studentmiljøet i Volda. Studentane viste også klipp frå tidlegare forestillingar laga på Høgskulen i Volda. Elevane fekk deretter vere med på ein liten workshop med øvingar som blir brukt i drama og teater ved Høgskulen i Volda. Til slutt fekk dei observere korleis studentane jobbar med å lage julemusikal for heile familien og ein absurd klassikar for ungdom og vaksne.

IMG_4050, utdanningsdagane 2014, drama og teater, avdeling for kulturfag, Høgskulen i Volda, foto av karoline stokke
Elevane fekk prøve ulike dramaleikar. Foto: Karoline Stokke.

 

Idrett og friluftsliv

IMG_4022
Mange elevar hadde meldt seg på postane til idrett og friluftsliv. Foto: Karoline Stokke.

Seksjon for idrett og friluftsliv hadde fått ein student frå idrett og ein frå friluftsliv til å fortelje om studiemodellane og mogelegheitene i Volda. Elevane fekk i også omvisning på Idrettsbygget, der dei fekk sjå pågåande undervisning både i symjehallen og idrettshallen. Der fekk dei stille spørsmål til studentar og lærarar dersom dei ønska det.

Utdanningsdagane 2014, foto av Karoline Stokke (59), idrett og friluftsliv, foto av Karoline Stokke
Idrett og friluftsliv hadde laga nye faldarar i høve Utdanningsdagane 2014.

 

Formgiving, kunst og handverk

Utdanningsdagane 2014, foto av Karoline Stokke (9)x, formgiving, kunst og handverk, avdeling for kulturfag, Høgskulen i Volda, foto av Karoline Stokke
Teiknesalen var full under Utdanningsdagane 2014. Foto: Karoline Stokke.

Formgiving, kunst og handverk gjekk heilt inn for ideen “Student for ein dag”, og arrangerte workshopar knytt til ulike materiale. Tredjeklassingane frå Ulstein vidaregåande og Ørsta vidaregåande fekk prøve seg på konstruksjon i tre, medan elevane frå Volda vidaregåande og Firda vidaregåande fekk klippe og lime når dei skulle øve seg på komposisjon og layout. Torsdagen var temaet konstruksjon av rom når vidaregåande elevar frå Eid, Stranda og Herøy og Vanylven var på besøk saman med Akademiet i Ålesund og Møre Folkehøgskule.

Utdanningsdagane 2014, formgiving, kunst og handverk, avdeling for kulturfag, Høgskulen i Volda, foto av Karoline Stokke
Tre av elevarbeida frå workshop med teamet komposisjon og layout.

 

Media, IKT og design

Utdanningsdagane 2014, foto av Karoline Stokke (55), media, IKT og design, avdeling for kulturfag, Høgskulen i Volda, foto av Karoline Stokke
Elevane fekk blant anna sjå klipp frå filmar studentane har produsert.

Opplegget som seksjon for medie- og kommunikasjonsteknologi hadde laga bestod av tre delar.  Først informerte noverande studentar om bachelor i media, IKT og design og mogelegheiter for utveksling. Deretter fekk elevane sjå klipp frå ulike produksjonar som er laga av MID-studentar.  Til slutt fekk elevane omvisning i kjellaren på Idrettsbygget, der dei blant anna fekk sjå studentar jobbe med film og foto.

Utdanningsdagane 2014, foto av Karoline Stokke (56), media, IKT og design, Høgskulen i Volda
Omvisning i lokala til MID. Foto: Karoline Stokke.

Voldastudent med favorittstempel i Idol

Høgskulen i Volda sin musikkstudent Jørn Trollebø Kvalheim gjer det framleis veldig bra i Idol. Under bandkvelden på fredag framførte Jørn sangen “The Pretender” av Foo Fighters:

YouTube Preview Image

Dommarane var mektig imponerte:

“Nå er du i ferd med å springe ut i full blomst. Dette er det du skal drive med”. – Dansken/Esben Selvig.
“Det er det tøffeste du har gjort i hele år. Du seilte opp som min favoritt akkurat nå.” – Kurt Nilsen.
“Du er i ferd med å parkere hele konkurransen, dette var en maktdemonstrasjon av de sjeldne” – Gunnar Greve.
“Det var fantastisk bra!” – Tone Damli.

Jørn gjekk vidare, og er dermed ein av seks gjenståande deltakarar som kan vinne Idol 2014.

Les også kva seksjonsleiar Øystein Salhus og høgskulelektor Svein Hunnes meiner er musikkstudenten sine fordelar i Idol her.

 

Musikkdidaktisk praksis

Førre veke var førsteårsstudentane på årsstudium og bachelor i musikk ute i praksis. I samband med emnet MUS102 “Musikkundervisning for barn og unge 1″ skal alle gjennomføre ei veke med musikkdidaktisk praksis i grunnskulen. Både bacheloren og årsstudiet legg vekt på at studentane skal lære utøvande og god pedagogisk verksemd, slik at dei seinare kan jobbe i til dømes grunnskulen/SFO, kulturskulen og andre samfunnsinstitusjonar, det frie kulturlivet eller i privat næring.

musikkaktivitetar for barn og unge_asylmottaket i Volda, Volda Statlige Mottak, musikk, Høgskulen i Volda
Både studentane og barna viser musikkglede. Foto: Elizabeth Oltedal.

Ei studentgruppe hadde laga eit musikkopplegg for barn som dei gjennomførte på asylmottaket i Volda, også kalla Volda Statlige Mottak. Høgdepunktet i opplegget var ein minikonsert for føresette og tilsette fredag 24.oktober. Det heile vart avslutta med ei hyggeleg kaffistund der mødrene hadde laga til med både kaker og vaflar. Stemninga var på topp, og dei flinke musikkstudentane fekk mange hjertevarme klemmar.

Alle partar var fornøgde med opplegget. Kanskje dette bør bli ein tradisjon?

Vi gratulerer Magnar Åm med Edvardprisen!

Vår kjære komponist Magnar Åm er professor ved Avdeling for kulturfag. Han er vinnar av Edvardprisen 2014 i kategorien Samtid. Under opningsfesten for Fosnavåg konserthus på fredag får han overrakt prisen.  Vi gratulerer! Les meir på Høgskulen i Volda sine nettsider og i avisa Sunnmørsposten.

Magnar_Aam_Høgskulen i Volda
Magnar_Aam_Høgskulen i Volda

Konsert med Høgskulekoret og Symfoniorkesteret

Ei reise frå natt til dag  
Volda kyrkje
Torsdag 23. oktober kl. 1930.
Pris 150/100

Symfoniorkesteret og Høgskulekoret ved Høgskulen  Volda
Symfoniorkesteret og Høgskulekoret ved Høgskulen Volda

Visste du at Høgskulen i Volda har eit eige Høgskulekor og ikkje minst eit eige Symfoniorkester? No kan du få høyre dei begge i ein felles konsert!

Orkesteret vil framføre Symfoni i h-moll, ”Den ufullendte” av Franz Schubert. Verket vart skrive i 1822-23 og kom ikkje inn på standardrepertoaret før mykje seinare på attenhundretalet.  Schubert sitt verk har to lange, vakre og formfullende langsame satsar, med meisterleg melodikk og store kontrastar innanfor kvar sats. I dag vert denne symfonien regna som den fyrste fullblods romantiske symfonien – skrive to år før Beethovens niande.

Koret vil framføre kormusikk frå dei siste tjue åra, utforma som ein form for reise frå natt til dag. Programmet vekslar mellom musikk i klassisk tradisjon av komponistane Eric Whitacre og John Rutter, og folkemusikk for kor frå Brasil, Venezuela og Sør- Afrika, og mellom rolege og livlege stemningar.

Konserten er åpningskonsert hjå Kyrkjemusikkdagane i Volda, for meir informasjon om desse, sjå Kyrkjemusikkdagane på Facebook.

Her kan du lese om ein tidlegare konsert kor og orkester hadde saman.

Jørn finalist i Idol 2014!

I går var det duka for fjerde semifinale i sangkonkurransen Idol TV2. Jørn Trollebø Kvalheim var ein av dei ti deltakarane som hadde sjansen til å gå vidare til finalen. Den vakre framføringa av “Where do my bluebirds fly” av Tallest man on earth rørte både dommar Tone Damli og programleiar Stian Blipp.

YouTube Preview Image

Framføringa var så bra at dei andre semifinalistane reiste seg. Tv-sjåarane var også mektig imponerte, noko som førte til at Jørn vart stemt vidare til topp 10 saman med Tara Lill Flåten Nicolaisen.

Til dagleg studerer Jørn musikk ved Høgskulen i Volda, og han har tidlegare uttalt at det er ein fordel: “Det er noe med å ha sangteknikk, kjenne på presset og kjenne at dette er alvor. Da tar en gjerne litt ekstra i når en synger, og blir fortere sliten”.

Seksjonsleiar Øystein Salhus og høgskulelektor Svein Hunnes ved musikkseksjonen på Avdeling for Kulturfag har mykje positivt å seie om Jørn:
«Jørn er veldig engasjert, og han har ein smittande energi som publikum også får kjenne på» seier Salhus.
«Ja, framføringane hans er ekte og inderlege» legg Hunnes til.

Som student er Jørn er ein stjerneelev på alle måtar. Han er aktiv i musikkmiljøet både på og utanfor høgskulen. Salhus og Hunnes er einige om at Jørn har god innverknad på klassemiljøet. For Jørn er det truleg også hjelpsamt å ha medstudentane som støttespelarar under Idol. «Det er ei god og støttande klasse!» påpeikar Hunnes.

I forhold til Jørn sine sjansar vidare i Idol er Hunnes og Salhus optimistiske. «Jørn syng sjølvsagt veldig bra! Han er også flink til å velje songar som passar til stemma hans» meiner Salhus. Hunnes er einig og påpeikar at det er ein stor fordel at Jørn er mottakeleg for innspel frå andre. «Jørn er veldig lærevillig, og han har i tillegg beina godt planta på jorda» avsluttar Hunnes.

– Les meir om Jørn sin prestasjon i semifinalen i VGSunnmørsposten, Fjordens Tidende  og på TV2.no.
– Intervju med Jørn og Tara etter semifinalen kan du sjå her.

Tidlegare bloggpostar om Jørn:
Jørn vidare i Idol
Idol-kjendis på AKF

Is-slottet: Nykomponert opera med musikk av Magnar Åm

No kan vi alle få høyre og sjå Is-slottet det nye operaverket til komponist Magnar Åm, professor ved Høgskulen i Volda.

Magnar Åm Komponist og professor musikk Høgskulen i Volda
Magnar Åm Komponist og professor musikk Høgskulen i Volda

Tirsdag 30. september kl. 19.00
Is- slottet
Opera
Sjøborg Kulturhus i Ulsteinvik

Ulsteinvik er berre 30 minutt frå Volda.

Operaen er basert på romanen Is-slottet av Tarjei Vesaas.  Dette er ein samproduksjon mellom musikkteateret Saum og Den Ny Opera i Danmark.

Is-slottet komponist Magnar Åm frå Høgskulen i Volda
Is-slottet komponist Magnar Åm frå Høgskulen i Volda

Magnar Åm seier i eit intervju med Vikebladet at det var fulle hus ved den strålande urframføringa i Danmark den 16. september.

Etter ein turnéperiode i Noreg, skal operaen ha gjestespel på Det Kongelige teater i København.

Sjå smakebitar frå Is-slottet og dei medverkande her:

Komponist Magnar Åm er til dagleg ansvarleg for dei tverrfaglege masteremna til Avdeling for kulturfag ved Høgskulen i Volda.
Fleire prosjekt ved Høgskulen der Magnar Åm var involvert:
Vårkveld på Yksnøya – Friluftskonsert
Picadon – Music, dance & film – tverrfagleg kunstprosjekt