høyskolens eget symfoniorkester musikkstudie musikkfag musikkstudenter.
Høgskulen i Volda inviterer til gratis adventskonsert i Volda kyrkje i morgon, 27 november, klokka 18:30.
På konserten får du høyre, og synge, eit knippe velkjende og mindre kjende songar og melodiar til advent og den kalde årstida.
Deltakarane er musikkstudentar på Høgskulen i Volda, Høgskulekoret og symfoniorkesteret ved Høgskulen i Volda.
Fri inngang! Velkomen skal du vere!
Visste du at Høgskulen i Volda har eit eige Høgskulekor og ikkje minst eit eige Symfoniorkester? No kan du få høyre dei begge i ein felles konsert!
Orkesteret vil framføre Symfoni i h-moll, ”Den ufullendte” av Franz Schubert. Verket vart skrive i 1822-23 og kom ikkje inn på standardrepertoaret før mykje seinare på attenhundretalet. Schubert sitt verk har to lange, vakre og formfullende langsame satsar, med meisterleg melodikk og store kontrastar innanfor kvar sats. I dag vert denne symfonien regna som den fyrste fullblods romantiske symfonien – skrive to år før Beethovens niande.
Koret vil framføre kormusikk frå dei siste tjue åra, utforma som ein form for reise frå natt til dag. Programmet vekslar mellom musikk i klassisk tradisjon av komponistane Eric Whitacre og John Rutter, og folkemusikk for kor frå Brasil, Venezuela og Sør- Afrika, og mellom rolege og livlege stemningar.
Konserten er åpningskonsert hjå Kyrkjemusikkdagane i Volda, for meir informasjon om desse, sjå Kyrkjemusikkdagane på Facebook.
Her kan du lese om ein tidlegare konsert kor og orkester hadde saman.
Symfoniorkesteret sin 17. mai -konsert
Med Jorun Marie Kvernberg som solist
Stad: Konsertsalen i Kaarstad-huset på Høgskulen i Volda
17. mai 2014
Tid: 20.00
17. mai kan du høyre Symfoniorkesteret ved Høgskulen i Volda. Den tradisjonsrike konserten har to nye element i år! Ny konsertsal og samarbeid med folkemusikaren Jorun Marie Kvernberg. Her får du blant anna høyre hardingfelekonserten Tri fjordar av Geirr Tveitt.
Les omtale
Billettar:
Vaksne: kr 250
Studentar: kr 100
Born: kr 50
Ver tidleg ute, her kan verte kamp om plassane!